Menopause (1) သွေးမဆုံးခင်၊ သွေးဆုံးရင် ဖြစ်ချင်တာတွေ (၁)

ဆရာရှင့် ကျမအသက် ၄၇ ပြည့်တော့မှာပါ။ ကျမမှာ သားသမီးသုံးယောက်ရှိပါတယ်ဆရာ။ ကျမအသက် ၃၆ နှစ်မှာ သားအိမ်တွင်းမှာ အဖုလေးတွေ့လို့ သား အိမ်ထုတ်ခဲ့ပါတယ်။ ရာသီသွေးဆင်းတိုင်း ဆိုးဆိုး ဝါးဝါး နာကျင်ကိုက်ခဲနေတာမို့ OG ပြရင်း အဖုလေးတွေ့တယ်ဆိုလို့ပါ။

သားသမီးလဲသုံးယောက်ရှိပြီးသားမို့ သားအိမ်က ကိုယ်ဝန်ဆောင်ဖို့ကလွဲရင် မရှိလဲရတဲ့ အပို ပစ္စည်းဖြစ်တဲ့ အတွက် ထုတ်ချင်လဲရတယ်ဆိုလို့ပါ။ ဒါကြောင့် ကျမ သားအိမ်ထုတ်ဖို့ သဘောတူ ခဲ့ပါတယ်ဆရာ။

အဲဒီအချိန်က ကျမအသက်ငယ်သေးတယ်ဆိုပြီး သားအိမ်ကိုသာထုတ်ခဲ့ပြီး မျိုးဥအိမ်နဲ့ သားအိမ်ခေါင်း ကိုတော့ ချန်ထားခဲ့တယ်ပြောပါတယ်။ ဒါပေမဲ့ နောက်တနှစ် အသက် ၃၇ နှစ်မှာ အရည်အိတ်ထပ်ဖြစ်လို့ အဲဒီဆရာမကြီးနဲ့ပဲ ပြန်ပြပြီး အကုန်ဖယ်ရှားလိုက်ရပါတယ်ဆရာ။ အစပိုင်းတုန်းက ကျမသဘောပေါက် တာက သားအိမ်ထုတ်ထားရင် သွေးဆုံးကိုင်တဲ့ ဝေဒနာမခံစားရဘူးလို့ပဲ သဘောပေါက်တာပါ။ OG ကလဲ ဒါနဲ့ပတ်သတ်ပြီး မဆွေးနွေးခဲ့ပါဘူးရှင်။ နောက်ပိုင်းကျမ စာတွေဖတ်ရင်းနဲ့ သိလာတာက သားအိမ်ထုတ် ထားတဲ့သူဟာ သာမာန်လူထက် ပိုပြီး သွေးဆုံးကိုင်တဲ့ဝေဒနာကို ခံစားရတယ်ဆိုတာပါ ဟုတ်ပါသလားရှင်။

သားအိမ်ထုတ်ပြီးနောက်ပိုင်းမှာ ခေါင်းညာဘက်တခြမ်းကိုက်တဲ့ဝေဒနာဖြစ်ပါတယ်။ ဦးနှောက် CT ရိုက်ပြီး စစ်တော့ ဘာမှမဖြစ်ဘူးပြောပါတယ်ရှင် ခေါင်းအနောက်ညာဘက်က အပ်နဲ့ထိုးခံရသလိုစူးပြီးနာတာ ကျီးပေါင်းဖြစ်တယ်လဲ ပြောပါတယ်။

အခု ကျမအသက် ၄၇ မှာ အစားအသောက်စားချင်စိတ်မရှိတာ ညဘက်နှစ်နှစ်ချိုက်ချိုက်အိပ်မပျော်တာ ဘယ်လောက်ပဲညည့်နက်မှအိပ်ပါစေ မနက်လေးနာရီဆိုနိုးနေတာ နေ့လည်ဘက်လဲ တခါတရံ အိပ်ရေး ပျက်လွန်းမှ ခဏလေးအိပ်ပျော်တာတွေ ဖြစ်ပါတယ်။ နားတွေက လေထွက်သလိုအူလာပြီး တစုံတခုဆို စိတ်အားငယ်လာတယ် မျက်ရည်လွယ်လာတယ်ဆရာ။ ချွေးတအားထွက်ရင် လူကနုံးချိပင်ပန်းသလိုခံစား ရပြီး အပူဒဏ်လဲမခံနိုင်ပါဘူး။ စိတ်ရှုပ်တဲ့ဒဏ်တွေမခံနိုင်တော့ပဲ တယောက်ထဲ အေးအေးဆေးဆေးနေ ချင်စိတ်သာ ဖြစ်လာတယ် ပင်ပင်ပန်းပန်းလဲ ဘာတခုမှမလုပ်နိုင်တော့ဘူး။

အဲဒါ သွေးဆုံးကိုင်တဲ့လက္ခဏာလို့ ပြောပါတယ်ရှင်၊ ဟုတ်ပါသလားဆရာ။ သားအိမ်ထုတ်ထားတဲ့သူ တယောက်ဟာ သွေးဆုံးကိုင်ရင် ဘယ်လိုသိနိုင်ပါသလဲရှင်။ သူများထက်ပိုခံစားရတယ်ဆိုတာရော ဟုတ်ပါ သလား ဘယ်လိုပိုခံစားရသလဲ သားအိမ်ထုတ်ခြင်းရဲ့ ကောင်းကျိုးဆိုးကျိုးတွေက ဘာတွေလဲ၊ ဘာတွေဖြစ် လာနိုင်လဲ ကျမသိချင်တာပါရှင်။

မြန်မာတွေက သွေးဆုံး-သားဆုံးလို့ တွဲသုံးတယ်။ သူများတွေကတော့ သွေးဆုံးချိန်နဲ့ သွေးဆုံးခါနီးလို့ တွဲရေးတယ်။ သွေးဆုံးတာဆိုတာ အမျိုးသမီးတယောက်မှာ ရာသက်ပန် ရာသီမလာတော့တာဖြစ်တယ်။ ဘဝမှာ တကယ့် အချိုးအကွေ့တခု ဖြစ်တယ်။ ရောဂါရလာတာ မဟုတ်ပါ။ ရာသီသွေးဆင်းတာလဲ မမှန်တော့သလို လစဉ် မျိုးဥထွက်တာလဲ ပုံမှန်မဟုတ်တော့ပါ။ ကြားရက်မှာ သွေးဆင်းမယ်။ မျိုးဥကလည်း တချို့လမှာထွက်မယ်။ တခါတလေမထွက်လာတော့ပါ။

ဒါပေမဲ့ နေကောင်းထိုင်သာရှိမှုမှာတော့ သက်ရောက်မှုကြီး ဖြစ်စေတယ်။ မိန်းမဘဝမှာ ဆုလာဘ်ရသလိုဖြစ် လာတယ်လို့ ယူတတ်ရင် ယူဆနိုင်တယ်။ နှလုံးရောဂါ၊ အရိုးရောဂါတို့လို ဖြစ်လာနိုင်စရာတွေကိုလဲ ကျန်း မာရေးအသိရှိရှိနဲ့ ကာကွယ်နိုင်ပါတယ်။ မျက်နှာနီမြန်းတာ၊ ညချွေးထွက်တာ စတဲ့အသစ်ဖြစ်လာတွေ ခံစားရမှာဖြစ်ပေမဲ့ လစဉ်ဆိုတာ ပူစရာမလိုတော့ဘူး။ ရင့်ကျက်-ပြည့်စုံလာပြီ။ နှလုံးရောဂါ၊ အရိုးရောဂါတို့ လို ဖြစ်လာနိုင်စရာတွေကိုလဲ ကျန်းမာရေး အသိရှိရှိနဲ့ ကာကွယ်နိုင်ပါတယ်။

ဘာလို့ဖြစ်လာသလဲ။ အသက်ကြောင့်ပါ။ ကလေးမရနိုင်တော့ဘူး။ မျိုးဥအိမ်ကနေ အပျိုဖြစ်ကတည်းက လုပ်ပေးနေခဲ့၊ ထုတ်ပေးနေခဲ့တာမှန်သမျှ လျှော့ချလိုက်ပြီ။ အသက်ကြောင့် မဟုတ်ဘဲ မျိုးဥအိမ် နှစ်ဖက်လုံး ထုတ်ရတာ၊ ကင်ဆာဆေး ပေးတာ၊ တင်ပါးဆုံနေရာကို ဓါတ်ကင်တာတွေ ကနေလဲ စောပြီး သွေးဆုံးနိုင်ပါ တယ်။ သားအိမ်ထုတ်ရပေမဲ့ မျိုးဥအိမ် ချန်ထားရင် ဟော်မုန်းတန်ခိုးတွေ ဆက်ရှိနေပါအုံးမယ်။ ရာသီသွေးမလာတော့ဘူး။ ကလေးလဲမရနိုင်တော့ဘူး။

သွေးဆုံးချိန်ဟာ မြန်မာတွေက ၄၅ နှစ်လို့ နုတ်ကျိုးနေတယ်။ ပျမ်းမျှ ၅၁ နှစ်ဖြစ်တယ်။ ၄ဝ ကတည်းကဆုံး သူနဲ့ ၆ဝ ကျမှ ဆုံးသူတွေလဲ ရှိပါတယ်။ ဆရာဝန်တွေ ဘယ်လောက်တော်နေနေ အမျိုးသမီးလူနာ ဘယ်တော့ သွေးဆုံးမယ်၊ ဘာတွေ ဖြစ်လာမယ်ဆိုတာ မှန်းလို့ မရပါ။ ၁၂ လတာဆက်တိုက် ရာသီ မလာ တာကိုမှ သွေးဆုံးအမျိုးသမီးစာရင်းထဲ ထည့်ပါမယ်။ သွေးဆုံးဆိုတာ တဖြေးဖြေးဖြစ်လာတယ်။ အဲလို မူမမှန် ဖြစ်လာနေချိန်ကို သွေးမဆုံးခင်ဖြစ်တာတွေလို့ ခေါ်တယ်။ ဒီအတောအတွင်းလဲ ကလေး ရနိုင်သေး တယ်။

ဖြစ်တာတွေက တယောက်နဲ့တယောက်မတူပါ။ တချို့မှာ ပြောင်းသွား၊ ရပ်သွားမှန်းမသိ ဖြစ်တယ်။ တချို့ ကြ ခံလိုက်ရတာလို့ ပြောတယ်။ ရာသီရက် တိုလာတာ၊ တလနဲ့တလ ပိုခြာလာတာ၊ ဆင်းတာက နည်းလာ တာ၊ တချို့ ပိုများတာတွေ ဖြစ်နိုင်တယ်။ ဒါတွေဖြစ်တိုင်း ဆေးကုဘို့မလိုပါ။ ဆရာဝန်ပြရင်တော့ ပိုကောင်းပါ တယ်။ သဘာဝနည်းနဲ့ မဟုတ်ဘဲ မျိုးဥအိမ်ကို ဆေးပေး၊ ခွဲစိတ်၊ ဓါတ်ကင်နည်းနဲ့လုပ်လို့ သွေးဆုံးတာမျိုးက ရုတ်တရက်ကြီးခံရတယ်။

မျက်နှာနီမြန်းတာကို အဖြစ်ကြရဆုံးဘဲ။ ပူနွေးတာ ခံစားရမယ်။ မျက်နှာ၊ လည်ပင်း၊ လက်မောင်း၊ ကျော၊ ရင်ပတ်တွေမှာ နီရဲရဲဖြစ်မယ်။ ချွေးပိုထွက်မယ်၊ အိပ်ရေးပျက်နိုင်တယ်။ ချမ်းနိုင်တယ်။ မီးယပ်ချမ်း လို့ ပြောကြတာထဲ ဒါလဲ ပါမလားဘဲ။ ၁ဝ-၃ဝ စက္ကန့်ကြာနိုင်တယ်။ အေးတဲ့နေရာ၊ ပန်ကာ၊ သာမန်လေ့ကျင့် ခန်းလုပ်တာ၊ အပူအစပ်လျှော့စားတာ၊ စိတ်ဖိအား လျှော့တာတွေ လုပ်သင့်တယ်။

လင်-မယားအတူနေတာမှာလဲ အပြောင်းအလဲတွေ ရှိလာမယ်။ (အီစထိုဂျင်) ဟော်မုန်း နည်းလာလို့ (ဗဂျိုင်းနား) က ခြောက်လာတာမို့ အရင်ပုံစံနဲ့ ဆက်ဆံရင် နာမယ်။ ချောဆီဆေးကို သုံးနိုင်ပါတယ်။ လိင်စိတ်လဲ ပြောင်းတယ်။ စိတ်နည်းလာကြသူက အရေအတွက်များတယ်။ မနည်းသူ၊ ပိုအဆင်ပြေသူလဲ ရှိသေးတယ်။ စိတ်ဖိအား၊ ရုပ်ကျန်းမာရေး၊ အိမ်ထောင်ရေးစတာတွေအပေါ် မူတည်လို့ မတူကြတာဖြစ် တယ်။ အရင်ကလိုနေသူတွေကို သတိပေးစရာရှိတာက လိင်ကတဆင့် ကူးစက်ရောဂါတွေက သွေးဆုံးတာ ကို မသိကြပါ။

ဘယ်လိုအပြောင်းကနေ ပြဿနာရှိရှိ ဆရာဝန်နဲ့ညှိပါ။ ဟော်မုန်းဆေး ပေးမလား၊ မပေးဘူးလား ချိန်ဆမယ်။ ဟော်မုန်း အစားထိုးကုသနည်း ခေါ်တယ်။ နောက်တနည်းက ဟော်မုန်းနဲနဲသာပါတဲ့ ကိုယ်ဝန် တားဆေးပေးနိုင်တယ်။ စိတ်ကျဆေး၊ သွေးကျဆေး၊ မွေးလမ်းထဲထည့်ရတဲ့ (အီစထိုဂျင်) ဟော် မုန်းဆေးတွေလဲ ပေးနိုင်တယ်။ (ဘိုင်အိုအိုင်ဒန်တီကယ်) ဟော်မုန်းပေးနည်းလဲ ရှိတယ်။

သွေးဆုံးသူတွေအတွက် စိုးရိမ်စရာတွေက နှလုံးရောဂါ နဲ့ အရိုး မသန်မာမှုတွေ ဖြစ်တယ်။ ကျန်းမာနေဘို့ ရာ ဆေးစစ်ပါ။ သွေးဖိအား၊ (ကိုလက်စထော)၊ ဆီးချိုတွေ စစ်ပါ။ ရင်သားကင်ဆာအတွက် (မင်မိုဂရမ်) ရိုက်ပါ။ သားအိမ်ကင်ဆာအတွက် (ပက်ပ် တက်စ်) လုပ်ပါ။ အစာအာဟာရ၊ ကိုယ်လက်လှုတ်ရှားမှု နဲ့ စိတ်ဖြေလျှော့နည်းတွေ ဖြည့်ပေးပါ။

သွေးဆုံးတာနဲ့ (ဘေဆို-မိုတာ) လက္ခဏာတွေဖြစ်တဲ့ ညချွေးထွက်မယ်၊ ခြေဖဝါး-လက်ဖဝါး-ကိုယ်ခန္ဓာ ချွေး ထွက်မယ်၊ အိပ်လို့မကောင်း ဖြစ်မယ်။ ဒီလိုဖြစ်တာတွေကို (ဘေဆို-မိုတာ) လက္ခဏာတွေလို့ ခေါ်တယ်။ အမျိုးသမီး ၈၅% မှာ ဖြစ်ကြတယ်။ စိတ်ပိုင်းသက်ရောက်မှုတွေကလည်း အတော်သိသိသာသာ ဆိုးဆိုးဝါး ဝါးဖြစ်နိုင်တယ်။ စိတ်ဓါတ်ကျမယ်၊ စိုးရိမ်စိတ်များမယ်၊ စိတ်တိုမယ်၊ အားယုတ်မယ်၊ အာရုံစိုက်ရတာ ခက်ခဲ မယ်။

ဘယ်လို အဆင်ပြေအောင်လုပ်မလဲ -

(၁) ယေဘုယျ

• အဝတ်အစား အေးတာရွေးဝတ်ပါ။
• ပန်ကာ၊ (ဝါတာ-ကူလာ)၊ လေအေးစက် သုံးပါ။
• အေးတဲ့ရေ၊ ဖျော်ရည်၊ အစားအသောက်ရွေးစားပါ။ (ကေဖင်း) ပါတာ လျှော့စားပါ။ အရက် လျှော့သောက်ပါ။ အပူးအစပ် လျှော့စားပါ။ အဆီ လျှော့စားပါ။ ဆေးလိပ်ဖြတ်ပါ။
• လေ့ကျင့်ခန်းလုပ်လို့ သက်သာတာရော၊ မထူးတာပါရှိတယ်။
• ယောဂလုပ်ပါ။ အနှိပ်ခံပါ။ တရားထိုင်ပါ။ အထူးရေချိုးနည်းလုပ်ပါ။ ကိုယ်အလေးချိန်ချပါ။
• ဗီတာမင် ဘီ ၆ သောက်ပေးတာ တချို့မှာ သက်သာတယ်။
• ဗီတာမင် (အီး) ကတော့ နည်းနည်း အကျိုးရှိတယ်။

(၂) ဆေးသုံးနည်း

• Estrogen Replacement Therapy (အီစထိုဂျင်) အစားထိုးပေးနည်း ၈ဝ-၉ဝ% သက်သာစေတယ်။
• Progesterone transdermal cream (20 grams/day) (ပရိုဂျက်စတင်) လိမ်းဆေး
• (SSRIs) အကျိုးရှိတာတွေ့ရတယ်။ ဥပမာ Venlafaxine (Effexor) 12.5 mg ကို တနေ့ ၂ ကြိမ်၊ ဒါမှမဟုတ် 75 mg ကို ညအိပ်ရာဝင်သောက်ပါ။ Paroxetine (Paxil CR) 12.5 to 25 mg ကို တနေ့ ၄ ကြိမ်သောက်ပါ။ Gabapentin (Neurontin) 300 mg ကို တနေ့ ၃ ကြိမ်။ Aldomet 250 mg ကို တနေ့ ၂ ကြိမ်။

(၃) (ဟာဘယ်လ်) ဆေးတွေ

• Black Cohosh နဲ့ Soy ပဲပုတ် အကျိုးရှိတာတွေ့ရတယ်။ ဒါပေမဲ့
• Dong Quai, Evening Primrose Oil နဲ့ Red Clover တွေက မထူးတာတွေ့ရတယ်။

Dr. တင့်ဆွေ