သက်ဆင်ရဲ့ မွေးနေ့မှာ ယင်လတ် ဘာလက်ဆောင် ပေးခဲ့လဲ

ပြင်သစ်နိုင်ငံ ပါရီမြို့မှာ ထိုင်း ဝန်ကြီးချုပ်ဟောင်း သက်ဆင်ရဲ့ ၆၅ နှစ်ပြည့်မွေးနေ့ပွဲကို မနေ့ ဇူလိုင်လ ၂၆ ရက်နေ့က ကျင်းပခဲ့တယ်။ အဲဒီ မွေးနေ့ပွဲမှာ ညီမဖြစ်သူ ထိုင်းဝန်ကြီးချုပ်ဟောင်း မစ္စယင်လတ် ရှင်နာဝပ် က အကိုဖြစ်သူကို မွေးနေ့ လက်ဆောင်ပစ္စည်း တခုပေးပါတယ်။

ယင်လတ်ရဲ့ သက်ဆင်အတွက် မွေးနေ့ လက်ဆောင်ကတော့ သက်ဆင်ရဲ့ ပုံတူ ရုပ်လုံးကြွ အနုပညာ လက်ရာပစ္စည်းတခု ဖြစ်ပါတယ်။

ထိုင်း လူမှု ကွန်ရက်တွေမှာတော့ ထိုင်းဝန်ကြီးချုပ်ဟောင်း မောင်နှမ ၂ ဦးရဲ့ ပြုံးပျော်ရွှင်နေကြတဲ့ မြင်ကွင်း အစုံအပေါ် ဝေဖန်မှုတွေ အမျိုးမျိုး ပေးနေကြတာတွေ့ရတယ်။

တချို့က ပြန်လာမယ့်ပုံ မပေါ်တဲ့ မစ္စယင်လတ်လို့ မှတ်ချက်ပေးတာမျိုးလည်း ရှိသလို ပြန်လာဖို့ သေချာပါ တယ် လို့ မှတ်ချက်ပေးတာမျိုးလည်း ရှိကြတယ်။

အိမ့်သံစဉ်