အငြိမ်းစားဗိုလ်ချုပ်မှူးကြီးအကြောင်း စာအုပ်ရေးသားသော မြန်မာ့အရေးလေ့လာသူ ဘန်းဒစ်ရော်ဂျာနှင့် တွေ့ဆုံခြင်း

‘‘ကျုပ်နိုင်ငံမှာ လူဦးရေ ၅၄ သန်းရှိတဲ့အထဲမှာ ဘာကြောင့်လူတစ်ယောက်တည်းကိုပဲ အဓိကထားပြောနေတာလဲ’’ဟု ဒေါ်အောင်ဆန်းစုကြည်နာမည်ကို ကြားတိုင်းမကျေမချမ်း မေးခွန်းထုတ်တတ်ခဲ့သူမှာ
မြန်မာနိုင်ငံကို ဆယ်စုနှစ်နှစ်ခုကြာ အုပ်ချုပ်ခဲ့သူ ဗိုလ်ချုပ်မှူးကြီး (ငြိမ်း) သန်းရွှေဖြစ်လေသည်ဟု ဘန်းဒစ်ရော်ဂျာက သူရေးသောစာအုပ်တွင် ဖော်ပြခဲ့သည်။ ထိုစာအုပ်ကို နိုင်ဦးက ‘‘စစ်အာဏာရှင်တစ်ဦးကို မျက်နှာဖုံးချွတ်ခွာခြင်း’’

အမည်ဖြင့် မြန်မာဘာသာပြန်ထုတ်ဝေထားပြီးဖြစ်သည်။ ဦးသန်းရွှေနှင့် ၎င်း၏ မြန်မာ ပြည်အပေါ် အုပ်ချုပ်ပုံအကြောင်းတို့ကို လူ့အခွင့်အရေးတက်ကြွလှုပ်ရှားသူလည်းဖြစ်၊ မြန်မာ့အရေးလေ့လာသူလည်းဖြစ်သည့် ဘန်းဒစ်ရော်ဂျာက ‘Than Shwe: Unmasking Burma’s Tyrant’ အမည်ဖြင့် စာအုပ်ရေးသားခဲ့သည်။

Christian Solidarity World Wide ၏ အရှေ့အာရှအဖွဲ့ခေါင်းဆောင်ဖြစ်သော မစ္စတာရော်ဂျာသည်
နိုင်ငံတကာသတင်းစာစောင်များတွင် ဆောင်းပါးများစွာ ရေးသားနေသူလည်းဖြစ်သည်။ ထို့အပြင် ကရင်တိုင်းရင်းသားများ
အပေါ် စစ်တပ်၏ ထိုးစစ်ဆင်တိုက်ခိုက်မှုများနှင့် ပတ်သက်၍လည်း A Land Without Evil: stopping the genocide of Burma’s Karen People စာအုပ်ကို ရေးသားခဲ့သည်။

ရွေးကောက်ပွဲအလွန်ကာလ ဒေါ်အောင်ဆန်းစုကြည်နှင့် ဦးသန်းရွှေတို့ တွေ့ဆုံချိန်တွင် မစ္စတာရော်ဂျာသည်
မြန်မာနိုင်ငံသို့ ရောက်ရှိနေသဖြင့် ၎င်းနှင့်အင်တာဗျူးထားသည်များမှ ကောက်နုတ်ဖော်ပြလိုက်ပါသည်။

ဗိုလ်ချုပ်မှူးကြီး (ငြိမ်း) သန်းရွှေကို ရက်စက်ဖိနှိပ်သူ အာဏာရှင်အဖြစ် ရေးပြီးတဲ့နောက်မှာ မြန်မာပြည်ထဲဝင်ဖို့ အခက်အခဲကြုံရတာမျိုးရှိလား။ အစိုးရကဗီဇာကို အနှောင့်အနှေးမရှိ ခွင့်ပြုပေးလား။

လွန်ခဲ့တဲ့ သုံးနှစ်တာမှာ ကျွန်တော်ဘာပြဿနာမှ မရှိခဲ့ပါဘူး။ မြန်မာနိုင်ငံကို ကျွန်တော်ပုံမှန် အလည်အပတ်လာနိုင်ခဲ့ပြီး အဲဒီအတွက်လည်း ကျေနပ်မိပါတယ်။

မစ္စတာရော်ဂျာ သိတဲ့အတိုင်းပဲ ဗိုလ်ချုပ်မှူးကြီး (ငြိမ်း)သန်းရွှေနဲ့ ဒေါ်အောင်ဆန်းစုကြည်တို့ မကြာခင်က တွေ့ဆုံခဲ့ကြပြီး ဒေါ်အောင်ဆန်းစုကြည်ကို ‘အနာဂတ်ခေါင်းဆောင်’လို့ သူက ပြောပါတယ်တဲ့။ သူ့အကြောင်း စာအုပ်ရေးခဲ့တဲ့အချိန်နဲ့ အခုအချိန်ကြားမှာ တစ်ခုခုကွဲပြားထူးခြားလာတာမျိုး မြင်မိပါသလား။ ဗိုလ်ချုပ်မှူးကြီး(ငြိမ်း) သန်းရွှေရဲ့ အနေအထားနဲ့ သူ့ရဲ့လွှမ်းမိုးမှုကိုကော ဘယ်လိုတွေ့ရပါလဲ။

ဒီတွေ့ဆုံဆွေးနွေးမှုနဲ့ အသွင်ကူးပြောင်းမှုလုပ်ငန်းစဉ်မှာ အခုအထိ လှမ်းလာတဲ့ခြေလှမ်းတွေဟာ ရာဇဝင်တွင်ပါတယ်။ နောက်ပြီး အင်မတန်မှကို အပြုသဘောဆောင်ပြီး အားတက်စေတယ်။ ဦးသန်းရွှေဟာ အံ့သြစရာကောင်းလောက်တဲ့ စရိုက်အ ပြောင်းအလဲတစ်ခုကို ပြသလိုက်ပုံပေါ်ပြီး ဒေါ်အောင်ဆန်းစုကြည်နဲ့ ဒီမိုကရေစီမျှော်လင့်ချက်တွေ အပေါ်ထားခဲ့တဲ့ သူ့ရဲ့ အရင်ကသဘောထား တင်းမာတဲ့ အတိုက်အခံချဉ်းကပ်နည်း အပြောင်းအလဲကိုလည်း ပြသလိုက်ပုံပေါက်တယ်။ သတင်းအစီရင်ခံမှုတွေက မှန်ကန်ရင်၊ သူ့ရဲ့သဘောထားက ဟန်ဆောင်မှုမရှိ ရိုးသားရင်၊ ဖုံးကွယ်ထားတဲ့ နောက်ကွယ်အစီအစဉ်တွေ မရှိဘူးဆိုရင် မြန်မာ့နိုင်ငံရေးအသွင်ကူးပြောင်းမှုအတွက် အင်မတန်မျှော်လင့်ချက်ထားရာ အကြောင်းပြချက်တွေ ရှိပါတယ်။

ဒါပေမဲ့ ဘယ်လိုပင် ဆိုစေဦးတော့ အစိုးရအဖွဲ့မှာ တပ်မတော်ရဲ့အခန်းကဏ္ဍဟာ ဖွဲ့စည်းပုံအခြေခံဥပဒေအရ ဆက်ရှိနေဦးမှာပဲဆိုတာကိုလည်း အမှတ်ရတန်ကောင်းပါတယ်။ နောက်ပြီး ဒါကြောင့်ပဲ တပ်မတော်က NLDဦးဆောင်တဲ့ အစိုးရကို အကူးအပြောင်းပေးဖို့ ငြင်းပယ်စရာမရှိ လိုလိုလားလားဖြစ်နေရတဲ့ အကြောင်းရင်းတစ်ရပ် ဖြစ်နေနိုင်တယ်။ ဒါပေမဲ့လည်းပေါ့ဗျာ။ မြန်မာဟာ နောက်ဆုံးမှာတော့ အမျိုးသားပြန်လည်ရင်ကြားစေ့ရေးကာလတစ်ခုနဲ့ စစ်မှန်တဲ့ ဒီမိုကရေစီဆီ ဝင်ရောက်လာနေတာလည်း ဖြစ်ကောင်းဖြစ်နိုင်ပါတယ်။ ရှေ့မှာစိန်ခေါ်မှုတွေ အများကြီးရှိလိမ့်မယ်။ ဒါပေမဲ့ ဦးသန်းရွှေနဲ့ ဒေါ်အောင်ဆန်းစုကြည်ကြား တွေ့ဆုံမှုဟာ စိတ်အားတက်စေတဲ့ အစပျိုးမှုတစ်ခုဖြစ်ပုံပေါ်ပါတယ်။

ဦးသန်းရွှေကို ရက်စက်ဖိနှိပ်သူ စစ်အာဏာရှင်တစ်ဦးလို့ ရေးခဲ့တဲ့ စာရေးဆရာတစ်ယောက်အနေနဲ့ အခုအချိန်မှာကော သူ့ကို ဘယ်လိုဖွဲ့ဆိုသရုပ်ဖော်ချင်ပါသလဲ။ အရင်လိုအတူတူပဲလား။

အင်မတန်ရက်စက်တတ်ပြီး သဘောထားတင်းမာတဲ့ အပြုအမူလုပ်ဆောင်တတ်တဲ့ အာဏာရှင်တစ်ယောက်အနေနဲ့ ဒီအချိန် သူ့ရဲ့ချဉ်းကပ်မှုက ထူးခြားကွဲပြားမှုတစ်ခု၊ အသစ်အဆန်းတစ်ခုရယ်လို့ မှတ်ကျောက်တင်ပါတယ်။ အကြောင်းပြချက်တွေကတော့ မ ရှင်းလင်းလှပါဘူး။ မြန်မာပြည်သူလူထုဟာ အပြောင်းအလဲကို လိုချင်တယ်ဆိုတာကို သူနောက်ဆုံးမှာ အသိအမှတ်ပြုမိလာလို့လည်း ဖြစ်ကောင်းဖြစ်နိုင်တယ်။ ဒေါ်အောင်ဆန်းစုကြည်ရဲ့ မဆုတ်မနစ် ဇွဲသတ္တိအပြည့်ကြိုးပမ်းမှု၊ ရဲရင့်မှုခွန်အားတွေကို ဦးသန်းရွှေက လေးစားမိလာလို့လည်းဖြစ်ကောင်းဖြစ်နိုင်တယ်။

သူ့ကိုယ်သူ ဟန်မပျက်ထိန်းထားရေးအပေါ် အာရုံစိုက်နေတာလည်း ဖြစ်ကောင်းဖြစ်နိုင်ပါတယ်။ မြေကြီးလက်ခတ်မလွဲရှောင်လွှဲမရမုချ ဖြစ်လာတော့မယ့် အကူးအပြောင်းမှာ သူ့ပုဂ္ဂလိကချမ်းသာ ကြွယ်ဝမှု၊ သူ့မိသားစု၊ သူ့ခရိုနီတွေနဲ့ တပ်မတော်ကိုအကာအကွယ်ပေးထားတယ်ဆိုတာကို သေချာအောင်လို့ပေါ့။ ဝဋ်လည်တာမျိုး၊ ပြစ်ဒဏ်ပြန်ခံရတာမျိုးမရှိအောင်၊ အတိတ်ကရာဇဝတ်မှုတွေအတွက် သူတို့ကို တာဝန်ယူခိုင်းမှာမျိုးမဖြစ်အောင် အာရုံစိုက်နေတာလည်းဖြစ်ကောင်းဖြစ်နိုင်တယ်။ ဒီအကြောင်းရင်းခံတွေအားလုံးရောပေါင်းထားတဲ့ ချဉ်းကပ်မှုတစ်ခုလည်းဖြစ်ကောင်းဖြစ်နိုင်တယ်။

သူ့ဘဝရဲ့ အခုလိုနောက်ဆုံးအချိန်နှစ်ကာလတွေမှာ သူ့ရဲ့ဦးစားပေးအရာက အငြိမ်းစားဘဝနဲ့ လုံလုံခြုံခြုံသာသာယာယာနေထိုင်ဖြတ်သန်းသွားဖို့ဆိုတာကို သူရိုးရိုးစင်းစင်းအသိအမှတ်ပြုလိုက်တာလည်း ဖြစ်နိုင်ပါတယ်။ ဒါကသာလျှင် ရှေ့ဆက်သွားစရာ နည်းလမ်းဆိုပြီး သူ့ရဲ့နက္ခတ်ဗေဒင်ဆရာတွေက အကြံပေးကြလို့လည်းဖြစ်နိုင်တယ်။

ဖြစ်နိုင်ခြေတွေကတော့ အများကြီးပဲ။ ဒါပေမဲ့ ဒီအချိန်သူ့ရဲ့အပြုအမူဟာ သူအာဏာကိုင်ထားတုန်းက အပြုအမူနဲ့ တော်တော်ကွာခြားတယ်ဆိုတာကတော့ထင်ရှားပါတယ်။

ဦးသန်းရွှေရဲ့ လတ်တလောခြေလှမ်းဟာ တခြားနိုင်ငံတွေက တခြားအာဏာရှင်တွေအတွက် သတင်းစကားတစ်ခွန်း ဒါမှမဟုတ် နမူနာတစ်ခုရယ်လို့ မြင်လား။

သူ့ရဲ့ (ဦးသန်းရွှေ) လတ်တလောချဉ်းကပ်မှုကသာ ဟန်ဆောင်မှုမရှိ ပွင့်လင်းရိုးစင်းပြီး သတင်းတွေအတိုင်း ဟုတ်တယ်ဆိုရင်တော့ မှန်ပါတယ်။ ဒါဟာ ကမ္ဘာတစ်ဝန်းက တခြားအာဏာရှင်တွေအတွက် သတင်းစကားတစ်ခွန်းပါ။ နောက်ဆုံးမှာ လူထုက ပြောကြားမှာဖြစ်ပြီး အုပ်ချုပ်သူတွေက နားထောင်ရမယ်ဆိုတဲ့ သတင်းစကားပေါ့။ တခြားအာဏာရှင်တွေအနေနဲ့ ဒီမိုကရေစီစနစ်တစ်ခုဆီဒီလိုမျိုး ငြိမ်းငြိမ်းချမ်းချမ်း အာဏာလွှဲပြောင်းတဲ့ဥပမာကို လိုက်လုပ်ကြမယ်လို့ ကျွန်တော်မျှော်လင့်မိပါတယ်။

ဦးသန်းရွှေနဲ့ မြန်မာအကြောင်း နောက်ထပ်စာအုပ်ရေးဖို့ရှိပါသေးလား။

မရှိပါဘူး။ တစ်အုပ်တည်း လုံလောက်ပါပြီ။

နောက်ထပ်ဖြည့်စွက်ပြီး ပြောချင်တာများရှိရင် လွတ်လွတ်လပ်လပ်ဖြည့်ပြောနိုင်ပါတယ် မစ္စတာရော်ဂျာ။

ကျေးဇူးအများကြီးတင်ပါတယ်။ ကျွန်တော်ဒါလေးလည်း ရိုးရိုးလေးထပ်ဖြည့်ချင်ပါတယ်။ ကျွန်တော့်မှာ အင်မတန်မှကို ရိုးရှင်းတဲ့ယုံကြည်ချက်တစ်ခုရှိတယ်။ အစိုးရတစ်ရပ်ဒါမှမဟုတ် လူတစ်ယောက်က အမှားလုပ်ရင် ကျွန်တော်တို့ဟာ အဲဒါကို အမြန်မီးမောင်းထိုးပြပြီး ပြောင်းလဲဖို့ တောင်းဆိုသင့်ပါတယ်။ အစိုးရတစ်ရပ်(ဒါမှမဟုတ်) လူတစ်ယောက်က ပြောင်းလဲပြီး မှန်ကန်တာကိုလုပ်ရင် ကျွန်တော်တို့ဟာ အဲဒါကို မြန်မြန်ဆန်ဆန်ပဲ အသိအမှတ်ပြု တန်ဖိုးထားပြီး အားပေးတိုက်တွန်းသင့်ပါတယ်။

ခွင့်လွှတ်မှုအကြောင်းပြောဖို့ဆိုတာ နိုင်ငံခြားသားတစ်ယောက်အနေနဲ့၊ ကျွန်တော့်အနေနဲ့ပြောရမှာ မဟုတ်ပါဘူး။ ဒါပေမဲ့ ဒေါ်အောင်ဆန်းစုကြည်က တပ်မတော်နဲ့ တပ်မတော်ရဲ့ အတိတ်ကအမှားတွေကို ခွင့်လွှတ်ဖို့ လူတွေကိုတောင်းဆိုတာဟာ မှန်ကန်တယ်လို့ ကျွန်တော်ယုံကြည်တယ်။ ဒါဟာ မြန်မာပြည်သူလူထု ဆုံးဖြတ်ရမယ့်အချက်တစ်ခုဖြစ်တယ်။ တိုင်းရင်းသားပြည်နယ်တွေနဲ့ အထူးသဖြင့် တိုက်ရိုက်ခံစားခဲ့ရသူတွေအတွက်ချရမယ့် ဆုံးဖြတ်ချက်တစ်ခုဖြစ်တယ်။

ဒါပေမဲ့ တစ်ချိန်တည်းမှာပဲ သတိထားစရာရှိပါတယ်။ ခွင့်လွှတ်မှုနဲ့ပြန်လည်သင့်မြတ်မှုကို နောက်ထပ်မှားယွင်းတဲ့အပြုအမူ၊ နောက်ထပ်ညှဉ်းပန်းနှိပ်စက်မှု၊ နောက်ထပ်အကြမ်းဖက်မှုနဲ့ မတရားမှုတွေလုပ်နိုင်ရေးအတွက် မီးစိမ်းပြမှုတစ်ခုအဖြစ် မမှတ်ယူသင့်ပါဘူး။ ဖိနှိပ်မှု၊ အဓမ္မကျင့်မှု၊ အတင်းအဓမ္မလုပ်အားပေးခိုင်းစေမှု၊ ကလေးစစ်သားတွေ၊ အရပ်သားအတွေအပေါ် တိုက်ခိုက်မှုတွေ၊ ထင်တိုင်းကြဲ အတ္တနောမတိ ဆုံးဖြတ်ဖမ်းဆီးမှုတွေ၊ နှိပ်စက်ညှဉ်းပန်းမှု၊မြေယာသိမ်းဆည်းမှု၊ ဘာသာရေးဆိုင်ရာ သည်းမခံနိုင်မှုနဲ့ တခြားနှိပ်စက်မှုတွေကို အဆုံးသတ်ဇာတ်သိမ်းပစ်ရမယ်။ ဒါဟာ မြန်မာနိုင်ငံမှာ အပြောင်းအလဲဖြစ်ရမယ့်အချိန်ပါ။ တပ်မတော်အနေနဲ့ လူ့အခွင့်အရေးချိုးဖောက်မှုတွေ အဆုံးသတ်ဖို့၊ မြန်မာပြည်သူလူထုအနေနဲ့ ပြန်လည်သင့်မြတ်ကြဖို့အတွက် လူတိုင်းလူတိုင်းရဲ့ နှလုံးသားမှာ အပြောင်းအလဲလုပ်ကြဖို့အချိန်ပဲဖြစ်ပါတယ်။

အခုလိုအချိန်ပေးဖြေကြားပေးတဲ့အတွက် ကျေးဇူးတင်ပါတယ်။