အောင်နိုင်ရေး တိုက်ပွဲ သင်္ဃန်းကျွန်း မြို့နယ်

NLD အမတ်လောင်း ဦးရွှေလှဝင်း

ရွေးကောက်ပွဲ နီးလာတာနဲ့အမျှ ရန်ကုန်တိုင်းမှာ အပြိုင်နွှဲရမယ့် မဲဆန္ဒနယ်တွေ ရှိပြီး သင်္ဃန်းကျွန်းဟာ ကိုယ်စားလှယ် ၁ဝ ယောက်ထိ အကျိတ်အနယ်ရှိမယ့် မဲဆန္ဒနယ်တခုပါ။

သင်္ဃန်းကျွန်းမှာ မဲပေးနိုင်သူ ၁ သိန်း ၃ သောင်းခန့် ရှိပြီး သုံးပုံတပုံခန့်ဟာ အစ္စလာမ် ဘာသာဝင် တွေပါ။

ရပ်ကွက် ၃၈ ခုရှိပြီး အခြေခံလူတန်းစားတွေ အများစုနေထိုင်တဲ့ မြို့နယ်လို့ ပြောရမှာ ဖြစ်ပါတယ်။

ပြည်သူ့လွှတ်တော် မဲဆန္ဒနယ်မှာ ပါတီ ၉ ခုနဲ့ တသီးပုဂ္ဂလ ၁ ဦး စုစုပေါင်း ကိုယ်စားလှယ် ၁ဝ ဦး ပြိုင်ကြမယ့် မဲဆန္ဒနယ်လည်း ဖြစ်ပါတယ်။

ဝင်မယ့်ပါတီ ၉ ခုထဲမှာ NLD ၊ ကြံ့ခိုင်ရေး၊ တစည၊ အမျိုးသား ဒီမိုကရေစီ ပါတီသစ်၊ အမျိုးသား တိုးတက်ရေး ပါတီနဲ့ မြန်မာနိုင်ငံ တောင်သူ လယ်သမား ဖွံဖြိုးတိုးတက်ရေး ပါတီတို့ ပါဝင်ပါတယ်။

တိုင်းဒေသကြီး လွှတ်တော်မှာတော့ နာမည်ကြီး ပါတီကြီးတွေဖြစ်တဲ့ ပါတီ ၇ ခုက ကိုယ်စား လှယ်တွေ ဝင်ပြိုင်ဖို့ရှိပါတယ်။

ပြည်သူ့လွှတ်တော် မဲဆန္ဒနယ်က ဝင်ပြိုင်မယ့် ကိုယ်စားလှယ်တွေထဲမှာ NLD ကိုယ်စားလှယ် ဦးရွှေလှဝင်း နဲ့ NLD နဲ့လမ်းခွဲပြီး ပါတီသစ်ထောင်ခဲ့တဲ့ အမျိုးသား ဒီမိုကရေစီ ပါတီသစ် ကိုယ်စားလှယ် ဦးသိန်းညွန့်တို့ နှစ်ဦးဟာ အကျိတ်အနယ်ပြိုင်ရမယ့် သူတွေလို့ ယူဆရမှာ ဖြစ်ပါတယ်။

NLD က ဝင်ပြိုင်မယ့် ပြည်သူ့လွှတ်တော် ကိုယ်စားလှယ် ဦးရွှေလှဝင်းဟာ ကျူရှင်ဆရာ တဦးပါ။

နှစ်ပေါင်း ၄ဝ ကျော် သင်္ဃန်းကျွန်းမှာ အင်္ဂလိပ်စာနဲ့ ဘောဂဗေဒ ဘာသာရပ်တွေကို သင်ပေးနေတဲ့ နာမည်ကြီး ကျူရှင်ဆရာ ဖြစ်သလို NLD သင်္ဃန်းကျွန်းမြို့နယ် ဥက္ကဋ္ဌပါ။

မြို့နယ်တွင်း လှည့်မဲဆွယ်တဲ့အခါ သူ့ဆီမှာ ကျူရှင်တက်ခဲ့တဲ့ သူရဲ့တပည့်တွေ အိမ်တွေကနေ ထွက်ပြီးကြိုဆိုတာကို တွေ့ခဲ့ရပါတယ်။

နိုင်ငံရေး အတွေ့အကြုံ မရှိတဲ့ ကျူရှင်ဆရာ အနေနဲ့ နာမည်ကြီး နိုင်ငံရေးသမား နဲ့ ယှဉ်ပြိုင်ရမယ့် ရွေးကောက်ပွဲမှာ ပါတီက စိုးရိမ်ကြောင်း ဦးရွှေလှဝင်းက ရှင်းပြပါတယ်။

သူ့အနေနဲ့ NLD ပါတီက ကိုယ်စားလှယ်လောင်းအဖြစ် အရွေးမခံခင်ကတည်းက မြို့နယ်အတွက် ပရဟိတလုပ်ငန်းတွေ ဆောင်ရွက်ခဲ့သလို မဲဆွယ်စည်းရုံးရေး စတဲ့အချိန်က စလို့ ဟောပြောပွဲ တွေအပြင် တအိမ်တက်ဆင်း မဲဆွယ်နေပါတယ်။

ဦးရွှေလှဝင်းနဲ့ အကျိတ်အနယ် ပြိုင်ရမယ့်သူကတော့ လွှတ်တော်မင်းသားကြီးလို့ တင်စားကြတဲ့ ပြည်သူ့လွှတ်တော် ကိုယ်စားလှယ် ရှေ့နေကြီး ဦးသိန်းညွန့် ဖြစ်ပါတယ်။

ဦးသိန်းညွန့်ဟာ NLD ပါတီ ဗဟိုဦးစီးကော်မတီ ကနေ ၂ဝ၁ဝ က ထွက်ခဲ့ပြီး ပါတီသစ် ထောင်ခဲ့ကာ ၁၉၉ဝ နဲ့ ၂ဝ၁ဝ ရွေးကောက်ပွဲ နှစ်ကြိမ်စလုံး သင်္ဃန်းကျွန်းမြို့နယ် ကနေ ဝင်ပြိုင်ပြီး အနိုင်ရခဲ့ပါတယ်။

သူတို့ ပြိုင်ဘက်လို့ ယူဆရတဲ့ နောက်တဦးကတော့ ကြံ့ခိုင်ရေးပါတီ ကိုယ်စားလှယ် ဦးသန့်ဇင် ဖြစ်ပါတယ်။

လက်ရှိ အာဏာရပါတီက ကိုယ်စားလှယ် ဖြစ်တဲ့အတွက် လျှော့တွက်ထားလို့ မရပါဘူး။

တပတ်ကျော်သာလိုတဲ့ ရွေးကောက်ပွဲမှာ ဦးရွှေလှဝင်းက သူနိုင်မယ်လို့ ယုံကြည်ကြောင်း ပြောဆိုနေပါပြီ။

အရင် အတွေ့အကြုံတွေအရ ပါတီတွေများတဲ့ နေရာတွေမှာ မဲတွေ ကွဲသွားတတ်တဲ့အတွက် မထင်တာတွေ ဖြစ်လာတတ်ပါတယ်။

BBC Burmese