ကြင်ယာစတိုး

နယူးယောက်မြို့မှာ အသစ်စက်စက်ဖွင့်လိုက်တဲ့စတိုးဆိုင်အမည်က ကြင်ယာစတိုး တဲ့။
အမျိုးသမီးတွေ အဲဒီဆိုင်သွားပြီး ကြ

ကြင်ယာရွေးမယ်ဆိုရင် လိုက်နာရမယ့်စည်းကမ်းချက်တွေကို
စတိုးဆိုင်အ၀င်ဝမှာ ရေးထားတယ်။

စည်းကမ်းချက်ကတော့..

“သင်သည်ဤစတိုးဆိုင်အားတကြိမ်သာလာရောက်ခွင့်ရှိသည်။
ဤစတိုးဆိုင်သည် ခြောက်ထပ်ရှိပြီး အပေါ်တထပ်စီတိုင်းရှိ အမျိုးသားများ၏ တန်ဘိုးမှာလည်း

ပိုမို မြင့်မားသွား၏။
သင်နှစ်သက်သော အထပ်မှ ကြိုက်နှစ်သက်ရာအမျိုးသားအား ရွေးချယ်ခွင့်ရှိသည်။
စိတ်တိုင်းကျမဖြစ်လျှင် အပေါ်ထပ်သို့တက်ရောက်ရွေးချယ်နိုင်သည်။
သို့သော်သင်သွားရောက်ခဲ့ပြီးသော အထပ်သို့ နောက်တခေါက်ပြန်လည်သွားခွင့်မရှိ” ဟုရေးထားလေသည်။

တနေ့တွင် ၄င်းစတိုးဆိုင်သို့ အမျိုးသမီးတဦး ကြင်ယာရှာသွားလေသည်။
ပဌမအထပ်တံခါးဝရှိဆ်ိုင်းဘုတ်၌

“ဤအမျိုးသားများသည် အလုပ်အကိုင်ရှိသည်” ဟုရေးထားလေသည်။
“ဒါလေးများ” ဟုတိုးတိုးဆို၍

ဒုတိယအထပ်သို့တက်သွားရာ

“ဤအမျိုးသားများသည်အလုပ်အကိုင်ရှိပြီး ကလေးများကိုလည်း ကြင်နာတတ်သည်” ဟုရေးထားလေသည်။
“မဆိုးပါဘူး” ဟုတွေး၍ ဆက်တက်သွားရာ တတိယအထပ်၌

“ဤအမျိုးသားများသည် အလုပ်အကိုင်ရှိပြီး ကလေးများကိုကြင်နာတတ်သည့်အပြင် ရုပ်ရည်ချောမော၏” ဟုရေးထားလေသည်။
အမျိုးသမီးမှာ များစွာသဘောကျလျက်ရှိသော်လည်း အပေါ်ထပ်တွင်ရှိမည့် အမျိုးသားများအား သိချင်ဇောဖြင့် ဆက်တက်သွားလေသည်။

စတုတ္ထအထပ်တွင်
“ဤအမျိုးသားများသည် အလုပ်အကိုင်ရှိပြီး ကလေးများကိုကြင်နာတတ်သည့်အပြင်
ရုပ်ရည်ချောမောပြီး အိမ်မှုကိစ္စ၌လည်းကူညီတတ်လေသည်” ဟုရေးထားလေသည်။
မိမိနှစ်သက်သောအရည်အချင်းများ ကျေနပ်ဖွယ်ရှိနေသော်လည်း နောက်အထပ်တွင် ပိုကောင်းရချည်ရဲ့ဟုတွေးပြီး
ပဉ္စမအထပ်သို့ဆက်တက်သွားပြန်သည်။

ပဉ္စမအထပ်၌မူ
“ဤအမျိုးသားများသည် အလုပ်အကိုင်ရှိပြီး ကလေးများကိုကြင်နာတတ်သည်။
ရုပ်ရည်ချောမောပြီး အိမ်မှုကိစ္စများ၌ကူညီတတ်သည့်အပြင်နွေးထွေးကြင်နာစွာ ယုယချစ်ခင်တတ်၏” ဟုရေးထားလေသည်။

အမျိုးသမီးမှာ ထိုအမျိုးသားများအား သဘောကျနှစ်သက်၍ ရွေးချယ်လိုပြီဖြစ်သော်လည်း
ကောင်းသထက်ကောင်းနိုင်သော အပေါ်ဆုံးအထပ်တွင်ရှိမည့် ယောင်္ကျားများအား စိတ်ကူးလျက်
စိတ်လှုပ်ရှားမှုများစွာဖြင့် ဆက်တက်သွားပြန်သည်။

ခြောက်ထပ်မြောက်သို့ ရောက်သောအခါ တံခါးဝဆိုင်းဘုတ်၌
“သင်သည် ဤအထပ်သို့ရောက်လာသော သုံးသန်း လေးသိန်း ငါးသောင်း ခြောက်ထောင် နှစ်ရာ့တစ်ဆယ်ဦးမြောက် အမျိုးသမီးဖြစ်သည်။ ဤအထပ်တွင် အမျိုးသားကြင်ယာ မရောင်းပါ။
ဤနေရာကား မိန်းမတို့၏ မဆုံးနိုင်သောဆန္ဒကိုဖြည့်ဆည်းရန် ဘယ်လိုမှ မဖြစ်နိုင်ကြောင်း

သက်သေ ပြုရာနေရာပင်တည်း။
ဤစတိုးအားလာရောက် အားပေးသောကြောင့် ကျေးဇူးတင်ပါသည်” ဟုရေးထားလေသည်။

credit to Original Writer