နိုင်ငံရေးအိပ်မက်များထက် ပိုမိုအားကောင်းနေတဲ့ နတ်ကိုးကွယ်မှု

စက်တင်ဘာ ၉ ရက် မိုးများက တဖွဲဖွဲရွာကျနေသည်။ ရန်ကုန်မြို့ ဆင်ခြေဖုံးအရပ်တစ်ခုရှိ ခြံတစ်ခြံအတွင်းရှိ ခေတ်ပေါ်ပုံစံနှစ်ထပ်အိမ်တစ်လုံးဆီသို့ အမျိုးသမီးများနှင့် ကလေးအများစုပါသည့် ထောင်ဂဏန်းမျှရှိသော လူအုပ်ကြီးသည် မိုးကိုဂရုမထားဘဲ သူ့ ထက်ငါအရင်ဦးအောင် သွားနေ ကြသည်။

သူ့ရှေ့မတိုင်ခင် တစ်ရက်က ဆိုလျှင် နိုဝင်ဘာ ၈ ရက်တွင် ကျင်းပမည့် လွှတ်တော်ရွေးကောက်ပွဲများအတွက် မဲဆွယ်စည်းရုံးမှုများကို စတင်ခဲ့ပြီဖြစ်သည်။ သို့သော် ချွေးများ၊ မိုးရေများစိုနေသည့် ယင်းလူစုသည် နိုင်ငံရေးကို စိတ်ဝင်စားပုံမရ။ ရွေးကောက်ပွဲအပြီး တက်လာမည့် အစိုးရထက် တန်ခိုးရှင်တစ်ဦးထံမှ စောင့်ရှောက်မစမှုကိုသာ အားကိုးနေပုံရသည်။

အိမ်ထဲမှ ဘုရားခန်း စင်အမြင့်တစ်ခုပေါ်တွင် ပကတိလူတစ်ယောက် အရွယ်အစားခန့်ရှိပြီး ခြေချိတ်ထိုင်နေပုံ ထုလုပ်ထားသည့် မြန်မာအမျိုးသားကြီးတစ်ဦး၏ ဖယောင်းရုပ်တုကြီးတစ်ခုကို တွေ့နေရသည်။ ယင်းရုပ်တုကြီး ၏ ရှေ့မှာတော့ စောစောက လူအုပ်သည် မိမိအလှည့်ပူဇော်ကန် တော့ခွင့်ရအောင် စောင့်နေကြ သည်။

အိမ်အပေါ်ထပ် လေသာဆောင်တွင် အလံများ၊ ရောင်စုံ ပူဖောင်းများချိတ်ထားသည့် ယာယီစင်မြင့်တစ်ခု ဆောက်ထားပြီး အပြာရောင် ဘလောက်အင်္ကျီနှင့် ရွှေခြည်ငွေခြည် ထိုးထားသည့် ထဘီတို့ကို ဝတ်ဆင်ထားသော အမျိုးသမီးတစ်ဦးသည် ဆိုင်းဝိုင်းမှ ထွက်ပေါ်လာသည့် တီးလုံးနှင့် အညီ ကခုန်နေသည်။

‘‘ရတနာမိုးရွာစေ.. ငွေမိုးရွာ စေ။ .. တိုင်းပြည်အတွက် အောင်အတိတ် အောင်နိမိတ်ဆောင်ပါစေ’’ဟူသော သူ၏ သီချင်းသံသည် အသံချဲ့စက်များမှ တစ်ဆင့် သင်္ဃန်းကျွန်းမြို့နယ် ဝေဇယန္တာ လမ်းမကြီးပေါ်တွင် ပျံ့လွင့်နေ သည်။

သင်္ဃန်းကျွန်းမြို့နယ်ရှိ ဆင်ခြေဖုံးရပ်ကွက်တစ်ခုတွင် ပြုလုပ်သော ယခုပွဲသည် အဆင့်မြင့်သော နာမ်လောကသို့ လက်ရှိဘဝခန္ဓာ ကိုယ်မသေဆုံးဘဲ ကူးပြောင်းသွားသည်ဟု လူသိများသော အဘဘိုးမင်းခေါင်၏ (၆၃)နှစ်မြောက် ‘‘အရှင်ထွက်ပွဲ’’အထိမ်းအမှတ် ကျင်းပနေခြင်းဖြစ်သည်။ ဘိုးမင်းခေါင်သည် လွန်ခဲ့သည့်နှစ်ပေါင်း ၆၀ ကျော်က မြန်မာနိုင်ငံအလယ်ပိုင်း ပုပ္ပားတောင်တွင် ထွက်ရပ်ပေါက်ကျင့်စဉ်ကို အောင်မြင်သွားသည်ဟု ကိုးကွယ်သူများက ယုံကြည်ကြသည်။ ဘိုးမင်းခေါင်သည် ပုံစံအမျိုးမျိုးဖြင့် ပေါ်လာတတ်ပြီး ၎င်းအား ကိုးကွယ်သူများ အခက်အခဲအကျပ်အတည်းများ ကြုံလာပါက ကူညီတတ်ကြောင်း ယုံကြည်ကိုးကွယ်သူများက ဆိုသည်။

‘‘ကျွန်မအလုပ်ထဲမှာ စိတ်ညစ်စရာတွေကြုံလာရင် ကျွန်မကို အဘက နည်းအမျိုးမျိုးနဲ့ ကူညီပါတယ်’’ဟု ပရိသတ်ထဲရောက် နေသည့် အသက် (၂၆)နှစ်အရွယ် မပိုးပိုးက ပြောသည်။

‘‘အဘ တကယ်ရှိတယ်ဆို တာ ကျွန်မကို တစ်ကြိမ်ထင်ထင်ရှားရှားပြဖူးပါတယ်။ အရမ်းထူးခြားပါတယ်’’ဟု ၎င်းက စိတ်လှုပ်ရှားပြီး ကျနေသည့် မျက်ရည်များ ဖြင့်ပြောသည်။

မပိုးပိုးသည် မလေးရှားနိုင်ငံ ပီနန်ကျွန်းရှိ စက်ရုံတစ်ရုံတွင် အလုပ်လုပ်နေသူဖြစ်ပြီး ယခု အဘထွက်ပွဲအတွက် တကူးတက ပြန်လာခြင်းဖြစ်သည်။ မပိုးပိုးအတွက်ကတော့ နိုင်ငံရေးအခြေအနေထက် တန်ခိုးရှင်များကသာ သူ့အနာဂတ်အတွက် ပိုမိုအကျိုးရှိ ပုံရသည်။

‘‘အဘ (ဘိုးမင်းခေါင်)လမ်း ညွှန်ချက်အတိုင်း ကျွန်မ ဥပုသ်စောင့်တယ်။ ပုတီးစိပ်တယ်။ အကျိုးပေးပါတယ်’’ဟု မပိုးပိုးက ပြောသည်။ ‘‘ကျွန်မနိုင်ငံရေးဆိုတာတော့ နားမလည်ဘူး’’

နတ်နှင့် ထွက်ရပ်ပေါက် ဘိုးတော်များ ကိုးကွယ်မှုအလေ့အထသည် ဗုဒ္ဓဘာသာအများစု ကိုး ကွယ်သည့် မြန်မာနိုင်ငံတွင် ဗုဒ္ဓ ဘာသာသမိုင်းနှင့်အပြိုင် နက်နက် ရှိုင်းရှိုင်း အမြစ်တွယ်လျက်ရှိသည်။ မြန်မာနိုင်ငံသည် ၂၀၁၁ ခုနှစ်ကတည်းကစပြီး နိုင်ငံတကာ နှင့် ထိတွေ့ဆက်ဆံမှုရှိလာပြီး အရပ်သားတစ်ပိုင်း အစိုးရကလည်း ရာစုနှစ်ထက်ဝက်နီးပါး စစ်အုပ်ချုပ်ရေးစနစ်မှ ခွဲထွက်ကာ ဒီမိုကရေစီ ပြုပြင်ပြောင်းလဲရေးကို အတိုင်းအတာတစ်ခုအထိ လုပ် ဆောင်လျက်ရှိသည်။ သို့သော် နတ်ကိုးကွယ်မှုသည် ဆက်လက် ခိုင်မြဲလျက်ပင်ရှိသည်။

အဓိက နိုင်ငံရေးပါတီအား လုံး ပထမဆုံးအကြိမ် ဝင်ပြိုင်ကြ မည့် နိုဝင်ဘာ ၈ ရက် လွှတ်တော် ရွေးကောက်ပွဲများသည် အခက် အခဲများကြုံတွေ့နေရသည့် မြန်မာနိုင်ငံအတွက် အပြောင်းအလဲတွင် အရေးကြီးသည့် နောက်ထပ်ခြေ လှမ်းတစ်ရပ်ဖြစ်သည်။ သို့သော် ဆန္ဒမဲပေးရမည့် သူများကတော့ သူတို့၏ အနာဂတ်အတွက် နိုင်ငံ ရေးထက် တန်ခိုးဖြင့်ကူညီစောင်မမည့်သူများကို မျှော်လင့်ထားကြ သည်။

နတ်၊ ဘိုးတော် အားကိုးမှု

ဗုဒ္ဓဘာသာဝင် မြန်မာပြည် သူများ၏အိမ်တွင် ရိုးရာနတ်စင် ကိုလည်း အိမ်တိုင်းနီးပါး၌တွေ့ ရတတ်ပြီး နတ်ကိုးကွယ်မှုနှင့် ဗုဒ္ဓ ဘာသာဝင်တို့၏ ထုံးတမ်းစဉ်လာ များသည် ရောထွေးလျက်ရှိသည်။ နတ်ကိုးကွယ်သူတို့သည် နတ်များ ကို ပုံမှန်ပူဇော်ပသကြသည်။ လုံ လောက်သည့် ငွေကြေးမရှိပါက လည်း ရှာဖွေချေးငှားပြီး ပူဇော် ပသကြသည်။

ယခုပွဲတွင် ယောဂီရောင် အဝတ်များနှင့် အရောင်တူ ခေါင်းပေါင်းကို ပေါင်းထားသည့် သက်လတ်ပိုင်းအရွယ် အမျိုးသမီးတစ်ဦးကို လူအများက မြန်မာကျပ်ငွေများ အထပ်လိုက်နှင့် အမေရိကန်ဒေါ်လာများ ပေးလှူနေသည်။

အဆိုပါအမျိုးသမီးသည် စိပ်ပုတီးတစ်ကုံးကို ဘယ်ဘက်လက်တွင် ပတ်ထားပြီး မျက်လုံးများကလည်း နတ်ဝင်ပူးနေသလို မျက်နှာကြက်ကို လျှောက်ကြည့်ပြီး သူ့ရှေ့သို့ ရောက်လာသူများ၏ ဦးခေါင်းကို ပွတ်သပ်ဆုတောင်းပေး နေသည်။

ပရိသတ်ထဲတွင် အိမ်ခြံမြေ ပွဲစား အသက် (၇၁) နှစ်အရွယ် ဒေါ်နှင်းခိုင်လည်းပါသည်။ ‘‘ကျွန်မကို ငွေကြေးပြေလည်အောင် ကူညီမစဖို့နဲ့ ကျန်တဲ့သူတွေလည်း အားလုံးအဆင်ပြေအောင် စောင့်ရှောက်ဖို့ အဘဆီမှာ ဆုတောင်းခဲ့ပါတယ်’’လို့ သူက ဆိုသည်။

သူ့အနေဖြင့် အလုပ်ကိစ္စ စကားပြောဆိုခါနီးတွင် နတ်များ၊ ပုဂ္ဂိုလ်များကို တိုင်တည်ပြီးမှ ပြောဆိုလုပ်ကိုင်လေ့ရှိကြောင်း ပြောသည်။ ‘‘တကယ်ကို ယုံယုံကြည်ကြည်လုပ်ကြည့်ပါ။ အကျိုးပေးပါတယ်’’ဟု ဒေါ်နှင်းခိုင်ကပြော သည်။

အဆိုပါ အဘဘိုးမင်းခေါင်ထွက်ပွဲကို မြန်မာနိုင်ငံမှ ထင်ရှားသည့် အစိုးရနှင့်နီးစပ်သော စီးပွားရေး လုပ်ငန်းရှင်ကြီးတစ်ဦးဖြစ်သည့် ရွှေသံလွင် မာလ်တီမီဒီယာ ကုမ္ပဏီပိုင်ရှင် ဦးကျော်ဝင်းက ကမကထပြုခြင်းဖြစ်သည်။ ၎င်းအနေဖြင့် မကြာသေးမီက ရှင်အပါး ၇,၀၀၀ ရှင်သာမဏေပြုပွဲကို မြန်မာနိုင်ငံအလယ်ပိုင်း မြို့တစ်မြို့၌ ကျင်းပပေးခဲ့ပြီး အဆိုပါပွဲသို့ နိုင်ငံတော်သမ္မတ ဦးသိန်းစိန် လည်း တက်ရောက်ခဲ့သည်။

ယခုထွက်ပွဲကို အနောက် တိုင်းပြက္ခဒိန်၏ ၉ လပိုင်းဖြစ်သည့် စက်တင်ဘာ ၉ ရက်တွင် ကျင်းပ ခဲ့ခြင်းဖြစ်ပြီး ၉ ဂဏန်းသည် ကံ ကောင်းစေသော ကိန်းဂဏန်းတစ်ခုအဖြစ် အစွဲထားသည့် မြန်မာနိုင်ငံ၌ ကျင်းပလေ့ရှိသည့် အ ထင်ကရ ပွဲတစ်ပွဲလည်းဖြစ်သည်။

ထိုနေ့ နံနက် ၉ နာရီက နေ ပြည်တော်၌ အစိုးရဘက်မှ ကိုယ် စားလှယ်ကိုးဦးနှင့် တိုင်းရင်းသား လက်နက်ကိုင်အဖွဲ့များမှ ကိုယ် စားလှယ်ကိုးဦးတို့အကြား ငြိမ်း ချမ်းရေးဆွေးနွေးပွဲ နောက်ဆုံး အဆင့်ကို ဆွေးနွေးကျင်းပခဲ့ခြင်း ဖြစ်ပြီး အဆိုပါပွဲနှစ်ခု ၉ ဂဏန်း ကျသည့် တစ်နေ့တည်း၊ တစ်ချိန် တည်းတွင် ကျင်းပခြင်းမှာလည်း ထူးခြားသည်။

‘‘၉ ဂဏန်းဟာ တန်ခိုးရှိပြီး ကံကောင်းတဲ့ နံပါတ်ပါ။ မသေဂဏန်းလို့လည်း ခေါ်ပါတယ်’’ဟု ရန်ကုန်မြို့လယ်တွင် ဗေဒင်ဟောခန်းဖွင့်လှစ်ထားသည့် ဗေဒင်ဆရာ ဦးမင်းသူက ပြောသည်။

နိုင်ငံရေးအပေါ် စိတ်အားသိပ်မထက်သန်

စက်တင်ဘာ ၈ ရက်မှစတင် ပြီး နိုင်ငံရေးပါတီ ၉၂ ခုအား မဲဆွယ်စည်းရုံးခွင့် တရားဝင်စတင်ခွင့်ပြု ခဲ့ရာ ဒေါ်အောင်ဆန်းစုကြည် ကိုယ်တိုင် သွားရောက်မဲဆွယ် စည်းရုံးခဲ့သည့်နေရာများမှလွဲပြီး အမျိုးသားဒီမိုကရေစီအဖွဲ့ချုပ်နှင့် အခြားပါတီများ၏ မဲဆွယ်စည်းရုံး ရေးများအပေါ် လူထု၏ စိတ်ဝင်စားမှုနည်းပါးနေသည်။

Asia Barometer Survey က မကြာသေးမီတွင် မြန်မာပြည်သူ ၁,၆၀၀ အား မေးမြန်းပြုလုပ်သည့် စစ်တမ်းတစ်ရပ်တွင် ၅၃ ရာခိုင် နှုန်းကျော်က စီးပွားရေးဖွံ့ဖြိုးမှု သည် ဒီမိုကရေစီထက် ပိုအရေး ကြီးသည်ဟု ဖြေကြားခဲ့သည်။

ယခုနတ်ပွဲသည်လည်း သိသာထင်ရှားသည့် သာဓကတစ်ခု ဖြစ်သည်။ နေမဝင်မီကပင် အဆို ပါလူအုပ်သည် တဖြည်းဖြည်းများ ပြားလာပြီး အိမ်တွင်းရော ခြံဝင်းအ တွင်းမှာပင် ပြည့်ကျပ်သွားကာ အမျိုးသမီးအချို့ လဲကျသည်အထိ ဖြစ်သွားခဲ့သည်။ ရောက်လာသူ များကို ကမကထပြုသည့် အလှူ ရှင်က စောင်နှင့် ထမင်းအိုးအပါ အဝင် ပစ္စည်းကိုးမျိုးလက်ဆောင် ပေးခြင်းကလည်း ယခုလို လူအများအပြားလာရသည့်အကြောင်း တစ်ခုဖြစ်နေနိုင်သည်။

လူအုပ်ထဲတွင် တန်းစီနေ သည့် အသက် (၅၁)နှစ်အရွယ် ဒေါ်မြင့်မြင့်စန်းက နတ်များကို ကိုး ကွယ်နေသည်မှာ ကြာပြီဖြစ် ကြောင်းနှင့် ဘိုးမင်းခေါင်အပါ အဝင် အခြားနတ်များ သူ့ဆီကို အိပ်မက်ထဲတွင်လာပြီး ထီဂဏန်း၊ ချဲဂဏန်းများပေးကြောင်း ပြော သည်။

‘‘ပုဂ္ဂိုလ်တွေရဲ့ ကူညီစောင့် ရှောက်မှုနဲ့ ချဲတွေ၊ ထီတွေ မကြာ ခဏပေါက်တယ်။ သာသနာပြုခွင့် ရဖို့ အခုလာပြီး ဆုတောင်းတာပါ’’ ဟု သူက ပြောသည်။ ဘုရားများ၊ ဘုန်းကြီးကျောင်းများတွင် ပိုပြီး လှူဒါန်းနိုင်ရန် ငွေတွေထပ်ဝင်ချင် ပါသေးသည်ဟု သူက ဆက်လက် ၍ ပြောသည်။

မြန်မာနိုင်ငံတွင် ဒီမိုကရေစီ ရရန်နှင့် ၎င်းမဲပေးမည့် ပါတီအနိုင် ရရန် ဆုတောင်းမှာလားဟု မေးသည့်အချိန်တွင်မူ ဒေါ်မြင့်မြင့်စန်းက မနှစ်မြို့သောအမူအရာဖြင့် ‘‘ဒီမိုကရေစီဆိုတာက မနေ့တစ်နေ့ကမှ ပေါ်လာတာလေ’’ဟု ပြောလိုက်သည်။

7day daily