ရန်ကုန်မြို့၌ သင်္ကြန်အကြိုနေ့နှင့် အကျနေ့တို့တွင် လိုက်ထရပ်ယာဉ်လေးစင်း တိမ်းမှောက်၊ ၂၆ ဦး ဒဏ်ရာရ

မဟာသင်္ကြန်အကြိုနေ့နှင့် အကျ နေ့တို့တွင် ရန်ကုန်မြို့၌ ရေပက်ခံ ထွက်သည့် မော်တော်ယာဉ်များအနက် လိုက်ထရပ်ယာဉ်များ တိမ်းမှောက်မှု ဖြစ်ပွားခဲ့သဖြင့် ဧပြီ ၁၃ ရက်က ၁၄ ဦး၊ ဧပြီ ၁၄ ရက်က ၁၂ ဦး ဒဏ်ရာ များ ရရှိခဲ့သည်။

သို့ဖြစ်၍ ကျန်ရှိသည့် သင်္ကြန် နှစ်ရက်တာကာလအတွင်း ရန်ကုန်မြို့ အပါအဝင် နိုင်ငံတစ်ဝန်း၌ ယာဉ်များ ကို သတိပြုမောင်းနှင်ကြရန် ရန်ကုန် တိုင်းဒေသကြီး အမှတ်(၂)ယာဉ်ထိန်း ရဲတပ်ဖွဲ့ခွဲ(ရန်ကုန်)က သတင်း များ ထုတ်ပြန်အသိပေးထားသည်။

ဖြစ်စဉ်များမှာ ဧပြီ ၁၃ ရက် နံနက် ၁၁ နာရီခန့်က ရေပက်ခံထွက်သော အိမ်စီးလိုက်ထရပ်အဖြူရောင်ယာဉ် တစ်စီးသည် လူ ၂ဝ ခန့် တင်ဆောင် မောင်းနှင်လာစဉ် ဗဟန်းမြို့နယ် ကမ္ဘာအေးစေတီလမ်းရှိ ရွှေဂုံတိုင် တံတားပေါ်တွင် အရှိန်မထိန်းနိုင်ဘဲ တိမ်းမှောက်ခဲ့သည်။ ယင်းတိမ်းမှောက် မှုဖြစ်စဉ်တွင် ယာဉ်ပေါ်ပါရှိ သည့် အမျိုးသား ခုနစ်ဦး၊ အမျိုးသမီး သုံးဦး တို့ ဒဏ်ရာအသီးသီးရရှိခဲ့ကြသည်။

အလားတူ ရေပက်ခံထွက်လာသော အိမ်စီးလိုက်ထရပ် အဖြူရောင်ယာဉ် တစ်စီးသည် ပြည်လမ်းမကြီး ၉ မိုင်ခွဲ အရောက် အရှိန်လွန်ကာ တိမ်းမှောက် သဖြင့် ယာဉ်ပေါ်ပါသူ အမျိုးသား တစ်ဦးနှင့် အမျိုးသမီး သုံးဦး တို့ ဒဏ်ရာများရရှိခဲ့ကြသည်။

ဧပြီ ၁၄ ရက် နံနက် ၁ဝ နာရီခွဲခန့် က ရေပက်ခံထွက်လာသော အိမ်စီးလိုက်ထရပ်အဖြူရောင်ယာဉ်တစ်စီး သည် ဝေဇယန္တာလမ်း သုဝဏ္ဏမိုးလုံလေလုံအားကစားရုံရှေ့အရောက် အရှိန်လွန်ကာ တိမ်းမှောက်ပြီး ယာဉ် ပေါ်ပါရှိသူ အမျိုးသား လေးဦး၊ အမျိုးသမီး တစ်ဦး ဒဏ်ရာများ ရရှိ ခဲ့ကြသည်။

ထို့အတူ နံနက် ၁၁ နာရီခန့်က ရေပက်ခံထွက်လာသော အငှားယာဉ် ကင်တာကား အဖြူရောင်ယာဉ် တစ်စီးသည် ပြည်လမ်းနှင့် အလုံ လမ်းဆုံအရောက် အရှိန်လွန်ကာ တိမ်းမှောက်ပြီး ယာဉ်ပေါ်ပါသူ အမျိုး သား လေးဦး၊ အမျိုးသမီး သုံးဦးတို့ ဒဏ်ရာများရရှိခဲ့ကြသည်။

ရေပက်ခံထွက်မည့် ယာဉ်မောင်း များအနေဖြင့် အရက်သေစာ သောက်စားပြီး မောင်းနှင်ခြင်း မပြု ရန်၊ မိမိယာဉ် ကြံ့ခိုင်မှု ကောင်းမွန် ခြင်း ရှိ၊ မရှိစစ်ဆေးရန်၊ မိမိယာဉ် တင်ဆောင်နိုင်သော ဝန်အားထက် ပိုမို တင်ဆောင်ခြင်းမပြုရန်၊ အရှိန် ပြင်းစွာ မောင်းနှင်ခြင်းမပြုရန်နှင့် သတ်မှတ်ထားသော ယာဉ်စည်းကမ်း၊ လမ်းစည်းကမ်းများနှင့်အညီ လိုက်နာ မောင်းနှင်ကြရန် ရန်ကုန်တိုင်းဒေသ ကြီး အမှတ်(၂)ယာဉ်ထိန်း ရဲတပ်ဖွဲ့ခွဲ (ရန်ကုန်)က ထပ်မံသတိပေးနှိုးဆော် ထားသည်။

The Mirror Daily