နှုတ်ခမ်းသွင်ပြင်သဏ္ဍန်ကပြောသော မိန်းကလေးများအကြောင်း

နှုတ်ခမ်းသွင်ပြင်ကို ကြည့်ခြင်းဖြင့် လူတစ်ယောက်၏ သွင်ပြင်လက္ခဏာကို ခန့်မှန်း တွက်ချက်မှု ပြုနိုင်ကြောင်း လေ့လာတွေ့ရှိချက်များက ဆိုပါတယ်။

ပြည့်ဖြိုးသော နှုတ်ခမ်းကို ပိုင်ဆိုင်သူ၊ ကျယ်သော နှုတ်ခမ်း၊ ပါးလျားသော နှုတ်ခမ်း စသဖြင့် ဘယ်လို နှုတ်ခမ်းမျိုးဖြစ်စေ အဓိပ္ပါယ်ကိုယ်စီ ကိန်းအောင်းနေတာကြောင့် နှုတ်ခမ်းကို ကြည့်ပြီး ထိုသူရဲ့ သရုပ်ကို ခန့်မှန်းနိုင်ပါသတဲ့။
-
၁။ ပြည့်ဖြိုးသော နှုတ်ခမ်းပိုင်ရှင်

အိန်ဂျလီနာဂျိုလီတို့ စကားလတ် ဂျွန်ဆင်တို့လိုမျိုး ပြည့်ဖြိုးတင်းရင်းပြီး ညှို့အားပြင်းတဲ့ နှုတ်ခမ်းပိုင်ရှင်များကို ညွှန်းပါတယ်။ သူတို့တတွေဟာ မိမိတို့ ယုံကြည်ချက် ရှိတဲ့အတိုင်း ပြောရဲ၊ လုပ်ရဲကြသူများ ဖြစ်ပါတယ်။

သူတို့က ကိုယ့်ကိုကိုယ် ယုံကြည်မှု အပြည့်နဲ့ ဘဝကို ခိုင်ခိုင်မာမာ ရပ်တည်လေ့ ရှိကြသူများ ဖြစ်ကြပါသတဲ့။

ပြည့်ဖြိုးသော နှုတ်ခမ်းပိုင်ရှင်များဟာ သူတို့ရဲ့ အချိုးညီညီနဲ့ လှပ ခမ်းနားတဲ့ နှုတ်ခမ်းကြောင့် ဆန့်ကျင်ဘက်တို့ရဲ့ စိတ်ဝင်စားမှုကို အထူးပင် ရရှိတတ်ကြသူများလည်း ဖြစ်ပါတယ်။

ထို့အပြင် ရှုမြင်ရသူအဖို့ ထူးခြားတဲ့သူ၊ ငြင်းရက်စရာ မရှိ စွဲမက် ဖွယ် ကောင်းသူရယ်လို့ သတ်မှတ်ခြင်း ခံရလေ့ ရှိပါသတဲ့။
-
၂။ ကျယ်သော နှုတ်ခမ်းပိုင်ရှင်

ဒီအမျိုးအစား နှုတ်ခမ်းပိုင်ရှင်များကတော့ ဖျတ်လတ်တက်ကြွသူများ ဖြစ်ကြပါ သတဲ့။ Julia Roberts တို့၊ Anne Hathaway တို့လို နှုတ်ခမ်းပိုင်ရှင်များ ဖြစ် ပါတယ်။

သူတို့ဟာ ပေါင်းသင်းဆက်ဆံရေး ကျွမ်းကျင်ကြတဲ့အလျှောက် အပေါင်းအသင်း ဝင်ဆံ့ကြတဲ့ သူများဖြစ်ကြပါသတဲ့။

နောက်ပြီး စိတ်ဝင်စားမှုလည်း အင်မတန် များပြားတတ်ကြလို့ ဆုံးဖြတ်ချက် ချမှတ်ရာမှာ ဝေဝါးတတ်တဲ့ သူများ ဖြစ်တယ်လို့ ဆိုပါတယ်။ ထို့အပြင် စူးစမ်း လိုစိတ် ပြင်းပြတဲ့ သူများ ဖြစ်ကြပါတယ်။

သူတို့တတွေဟာ အကောင်းဆုံးဖြစ်အောင် ကြိုးစားတတ်ကြတဲ့အပြင် ကြိုးစားတဲ့အလျောက် ရရှိလာတဲ့ အသီးအပွင့်များကိုလည်း ခံစားရနိုင်တဲ့ အခွင့်အလမ်းများ ရှိကြပါတယ်။

ပြီးတော့ ပင်ကိုယ်စွမ်းရည် ထက်မြက်ကြသူများဖြစ်ပြီး ကိုယ့်ကံကြမ္မာ ကိုယ်တိုင် ဖန်တီးလိုစိတ် ရှိကြသူများ ဖြစ်ပါသတဲ့။
-
၃။ ဝိုင်းသော နှုတ်ခမ်းပိုင်ရှင်

ကြယ်သီးကဲ့သို့ ဝိုင်းသော နှုတ်ခမ်းကို ပိုင်ဆိုင်ကြသူများက သွားလာစူးစမ်း ရှာဖွေနေရခြင်းကို နှစ်သက်ကြတဲ့ သဘောရှိပါသတဲ့။ Rachel Bilson နဲ့ Drew Barrymore တို့လိုမျိုး နှုတ်ခမ်းပိုင်ရှင်များ ဖြစ်ပါတယ်။

သူတို့က နည်းနည်း ပြောရဆိုရခက်ပြီး လက်ပေါက်ကပ်တဲ့ အမျိုးအစားထဲမှာ ပါဝင်ကြတယ်လို့ ဆိုပါတယ်။ ထို့ပြင် လွတ်လွတ်လပ်လပ် နေထိုင်လိုစိတ် ရှိပြီး အမိန့်ပေးတာကို မနှစ်သက်ကြပါဘူး။ တချို့တွေဆို မျက်နှာများတတ်ကြ သတဲ့လေ။

သူတို့က လူတွေကို အလွယ်တကူ ဆွဲဆောင်နိုင်စွမ်းရှိကြပြီး အမြင်မှာလည်း ရိုးရှင်းပြီး ဆွဲဆောင်မှု တစ်မျိုး၊ ရသတစ်မျိုး ပေးစွမ်းနိုင်ကြတဲ့ သဘောရှိကြ ပါတယ်။ သူတို့ရဲ့ သွက်လက်ချက်ချာပြီး စိတ်ရောကိုယ်ပါ ရွှင်ပျတဲ့ ပုံပန်း သွင်ပြင်ကြောင့်လည်း အများတကာရဲ့ စိတ်ဝင်စားမှုကို ဖမ်းစားနိုင် ကြပါ သတဲ့။
-
၎။ ပါးလျားသော နှုတ်ခမ်းပိုင်ရှင်

နှုတ်ခမ်းပါး ပိုင်ရှင်လေးများကတော့ ဗီဇစိတ်နဲ့ အလိုလိုသိတတ်တဲ့ စိတ် ထက်သန်ကြတယ်လို့ ဆိုပါတယ်။ သူတို့ဟာ ဆတ်ဆတ်ထိမခံတဲ့၊ အပြောအဆိုမခံတဲ့၊ အတင်စီးနည်းနည်းမှ မခံလိုတဲ့ စိတ်နေသဘောထား ရှိတတ်ကြပါသတဲ့။

နောက်ပြီး အသေးစိတ်ကအစ စေ့စပ်သေချာအောင် စိစစ်နိုင်သူများလည်း ဖြစ်ကြပါသတဲ့။ Gwyneth Paltrow နဲ့ Kate Hudson တို့ရဲ့ နှုတ်ခမ်းပါးလေးများကို ပမာပေး ရည်ညွှန်းထားပါတယ်။

နှုတ်ခမ်းပါး ပိုင်ရှင်များက မျက်နှာချိုပါသတဲ့။ သူတို့တတွေရဲ့ ရှက်ပြုံးလေးများ က မြင်ရသူအဖို့ ရင်ထဲမှာ စွဲထင်ကျန်နေရစ်နေလေအောင် ဆွဲဆောင်နိုင်တဲ့ သဘောလည်း ရှိကြပါသတဲ့။
-
၅။ လေးပုံစံကဲ့သို့ ကွေးညွတ်သော နှုတ်ခမ်းပိုင်ရှင်

အသည်းပုံလိုမျိုး၊ လေးကိုင်းလိုမျိုး ကွေးညွတ်တဲ့ နှုတ်ခမ်းပိုင်ရှင်များက လွတ်လပ်တဲ့ သဘောရှိကြသူများ ဖြစ်ပါသတဲ့။ သူတို့ဟာ ခံစားမှုကို ပွင့်ပွင့်လင်းလင်း ဖွင့်ဟတတ်ကြသူများ၊ ဟန်မဆောင်တတ်သူများ အဖြစ် ဖော်ညွှန်းခံရပါတယ်။

Hayden Panettiere နဲ့ Reese Witherspoon တို့လို နှုတ်ခမ်း ပိုင်ရှင်များ ဖြစ်ကြပါတယ်။ ကွေးညွတ်တဲ့ နှုတ်ခမ်းကို ပိုင်ဆိုင်ကြသူများက အခက်အခဲများကို ကြောက်ရွံ့တတ်သူများ မဟုတ်ဘူးလို့ သိရပါတယ်။ သူတို့ လုပ်နေတဲ့ အလုပ်ကို ကျေနပ်နေတတ်သူများ ဖြစ်ကြပါတယ်။

သူတို့ဟာ သူတို့ ဘာခံစားရတယ်၊ ဘယ်လို ထင်မြင်တယ်ဆိုတဲ့ အရာများကို လူအများရှေ့ ပွင့်ပွင့်လင်းလင်း ချပြ ပြောဆိုတတ်ကြသူများ ဖြစ်ပြီး ကံတရား ကို ယုံစားကြသူများ ဖြစ်ပါသတဲ့။
-
၆။ နိမ့်ဆင်း၍ ကွေးသော နှုတ်ခမ်းပိုင်ရှင်

အဲဒီလို သွင်ပြင်ရှိတဲ့ နှုတ်ခမ်းကို ပိုင်ဆိုင်ကြသူများက တစ်သီးပုဂ္ဂလ နေထိုင် လိုကြပြီး ပဟေဠိဆန်ကြတယ်လို့ ဆိုပါတယ်။ လျှို့ဝှက်တဲ့ သဘောရှိကြသူ များ ဖြစ်ပါတယ်။ Renee Zellweger နဲ့ Natalie Portman တို့ကို ဥပမာ အနေနဲ့ ညွှန်းပါတယ်။

လူအများနဲ့ မတူဘဲ ကွဲပြားတဲ့ သူတို့ရဲ့ နေထိုင်မှု ပုံသဏ္ဍန်ကြောင့် အများရဲ့ အာရုံစူးစိုက်မှုကို ခံရတတ်ပါတယ်။ ဒါပေတဲ့ သူတို့ဟာ တခြားသူများထက် ပိုပြီး ဇဝနဥာဏ်ရွှင်ကြပါသတဲ့။

သူတို့ရဲ့ ဥာဏ်ရည်ထက်မြက်မှုကြောင့် တစ်ခါတစ်ရံ ဆန့်ကျင်ဘက်များကို အလွန်ဆွဲဆောင်စေနိုင်ပြီး တစ်ခါတစ်ရံတော့ ဇီဇာကြောင်လွန်းသော သူ၊ ခွင့်လွှတ်နားလည်ပေးရန် အင်မတန် ခက်ခဲသော လူ့ခွစာများ အဖြစ်သတ်မှတ်ခြင်း ခံရတတ်ပါတယ်။

myanmarzweman