ဒုပါမောက္ခချုပ် ၁၁ ဦးအား ပါချုပ်အဖြစ် သြဂုတ် ၁ ရက်မှစ၍ အစမ်းခန့်

ရန်ကုန်အဝေးသင် တက္ကသိုလ် ဒုတိယပါမောက္ခချုပ် ဒေါက်တာလှတင့်အပါအ၀င် ဒုတိယပါမောက္ခချုပ် ၁၁ ဦးအား သက်ဆိုင်ရာ တက္ကသိုလ်များတွင် ပါမောက္ခချုပ်များအဖြစ် နိုင်ငံတော်သမ္မတက သြဂုတ် ၁ ရက်တွင် အစမ်းခန့်အဖြစ် ပြောင်းရွှေ့ခန့်အပ်ခဲ့ကြောင်း သတင်းရရှိသည်။

အဆိုပါ ပါမောက္ခချုပ်များ သည် သက်ဆိုင်ရာ ရာထူးများ တွင် အစမ်းခန့်ကာလတစ်နှစ် တာဝန်ထမ်းဆောင် ရမည်ဖြစ် ကြောင်း သိရသည်။

ပါမောက္ခချုပ်ရာထူးအစမ်းခန့် ရာထူးပေးအပ်ခံထားရသည့် ဒုတိယ ပါမောက္ခချုပ်များမှာ ဒေါက်တာလှတင့် (ရန်ကုန်အဝေး သင်တက္ကသိုလ်)၊ ဒေါက်တာတင် မောင်ထွန်း(စစ်တွေတက္ကသိုလ်)၊

ဒေါက်တာ သက်ထွန်းအောင် (ပြည်တက္ကသိုလ်)၊ ဒေါက်တာကြည်စိုး(ပဲခူးတက္ကသိုလ်)၊ ဒေါက်တာသူရဦး (စစ်ကိုင်းတိုင်းတက္ကသိုလ်) ဒေါက်တာတင်ဝင်း (မိတ္ထီလာစီးပွားရေးတက္ကသိုလ်)၊ဒေါက်တာ တင်မောင်လှ (မန္တလေးအဝေးသင်တက္ကသိုလ်)၊ ဒေါက်တာဦးချို (ပခုက္ကူတက္ကသိုလ်)၊ဒေါက်တာဝင်းနိုင်(မုံရွာတက္ကသိုလ်) ၊ ဒေါက်တာမောင်မောင်(လားရှိုးတက္ကသိုလ်)နှင့် ဒေါက်တာတင်မာကြည် (ပင်လုံတက္ကသိုလ်)တို့ဖြစ်ကြ သည်။

ထို့အပြင် ကျန်းမာရေးဝန် ကြီးဌာန ဆေးသိပ္ပံဦးစီးဌာန ဆေး တက္ကသိုလ်(မန္တလေး) ပါမောက္ခ ချုပ် ပါမော က္ခဒေါက်တာ တင် မောင်ဟန်အား အစမ်းခန့်ကာလ တစ်နှစ်ပြည့်မြောက်သည့်နေ့မှ စ၍ ပါမောက္ခချုပ် အဖြစ် နိုင်ငံ တော်သမ္မတက အတည်ပြုခန့် ထားလိုက်ကြောင်း သိရသည်။

ပါမောက္ခချုပ်အဖြစ် အစမ်း ခန့်ရာထူးပေးအပ်ခံရသည့် ရန်ကုန် အဝေးသင်တက္ကသိုလ် ဒုတိယပါမောက္ခ ချုပ် ဒေါက်တာလှတင့်မှာ တရားလွှတ်တော်ချုပ်တွင် စစ်ဆေးသည့် ပညာရေးဝန်ကြီးဌာနနှင့် ဒေါက် တာကျင်ဌေးအမှု တွင်ပညာရေးဝန်ကြီးဘက်မှပါဝင်စစ်ဆေးခံခဲ့သူဖြစ်နေသော ကြောင့် နိုင်ငံ့ဝန်ထမ်း ဥပဒေအရ ရာထူးတိုးခွင့် မရှိကြောင်း ဝေဖန် မှုများ ရှိနေခဲ့ကြောင်း သိရသည်။

‘‘အစမ်းခန့်က ခြောက်လ လောက်ကြာရင် အတည်ဖြစ် တယ်။ ပညာရေးဝန်ကြီးဌာနနဲ့ ဒေါက်တာဒေါ် ကျင်ဌေးတို့ရဲ့ အမှု မှာ ၀န်ကြီးဌာနက ရှုံးသွားတယ်။ ဒေါက်တာလှတင့်က တရားရုံးမှာ ပညာရေးဝန် ကြီးဌာနဘက်က ခုခံ တဲ့လူဖြစ်နေတယ်။ နိုင်ငံ့ဝန်ထမ်း ဥပဒေမှာ အမှုဖြစ်နေဆဲကာလ၊ အမှု မပြီးပြတ်သေးတဲ့ ကာလမှာ ရာထူးတိုးခြင်း မရှိဆိုတဲ့ဟာမှာ ဖီလာကန့်လန့်ဖြစ်နေတယ်။ ဒါက နိုင်ငံ့ ၀န်ထမ်းဥပဒေကို ကျော်လွန်ပြီး ထုတ်တဲ့အမိန့်မျိုးဖြစ်နေတယ်’’ ဟု ဒဂုံတက္ကသိုလ် ဆရာများသမဂ္ဂ ဥက္ကဋ္ဌ ဒေါက်တာအာကာမိုးသူက ပြောသည်။

ပညာရေးဝန်ကြီးဌာနကရန်ကုန်အဝေးသင် စီးပွားရေး ပါမောက္ခ(ဌာနမှူး) ဒေါက်တာ ကျင်ဌေးအား ၂၀၁၃ မတ် ၂၃ ရက်တွင် နိုင်ငံ့ဝန်ထမ်း ဥပဒေ ပုဒ်မ ၄၁ အရ မယူမနေရ ပင်စင်ပြစ်ဒဏ်ချမှတ်ခြင်းအပေါ် ပညာရေးဝန်ကြီးဌာနအား တရားစွဲဆိုမှုကို ပြည်ထောင်စုတရားလွှတ်တော်ချုပ်တွင် နှစ်ဦးနှစ်ဖက် အပြန်အလှန်ထွက်ဆိုကြသည်။ ထို့နောက် ပြည်ထောင်စုတရားလွှတ်တော်ချုပ်က ပညာရေးဝန်ကြီးဌာနမှ ချမှတ်ထားသည့် မယူမနေရ ပင်စင်အမိန့်ကြော်ငြာစာကို ပယ်ဖျက်လိုက်သည့် အာဏာပေးအမိန့် စာချွန်တော်ကို ၂၀၁၄ ဇွန်လ ၂၁ ရက် က ထုတ်ပြန်ခဲ့သည်။

7 Day