လူကြီးမင်းမျှော်လင့်သောအရာမှာ စက်ပိတ်ထားပါသည်

‘ဆရာ’

‘ဗျာ . . .’

အကျင့်ပါနေ၍ဖြစ်မည်။ ကျွန်တော့်ဂျာနယ်တိုက်မှ တပည့်မလေးများက ကျွန်တော့်ကို ‘ဆရာ’ ဟုခေါ် သည့်အတိုင်း ကျွန်တော်က ‘ဗျာ’ ဟုပြန်ထူးလေ့ရှိ၏။

ဟော . . . အခု ‘ဆရာ’ ဟုတယ်လီဖုန်းထဲကခေါ်သည့် ကောင်မလေးကို ကျွန်တော်မသိ။ ဖုန်းလာသ ဖြင့်ဖုန်းနံပါတ်ကို လှမ်းကြည့်တော့ ကျွန်တော်နှင့် ရင်းနှီးပြီးဖြစ်သည့် ဖုန်းနံပါတ်မဟုတ်။

ဆိုတော့ကာ ဖုန်းခလုတ်နှိပ်ပြီး ‘ဟယ်လို’ အသံပြန်ပြုတော့ တစ်ဖက်ကမိန်းကလေးအသံဖြင့် ‘ဆရာ’ ဟုခေါ်လေသည်။ သည်တွင် ‘ဗျာ’ ဟုယောင်ပြီး ထူးလိုက်မိခြင်း။

‘ဆရာ . . .’

နောက်တစ်ခါထပ်ခေါ်သည်။ ကျွန်တော်ကလည်း အမှတ်မရှိ။ နောက်တစ်ခါထပ်ပြီး ‘ဗျာ’ မိပြန်။

‘အဟင့်ဟင်း . . .’

တစ်ဖက်မှရယ်သည်။

‘ဘယ်သူပါလိမ့်’ ဟု မျက်မှောင်ကြုတ်ကာ ကသုတ်ကရက်စဉ်းစားသည်။ စဉ်းစားချိန်ပင် သိပ်မရ လိုက်။

‘ဆရာက ဟောပြောပွဲတွေမှာတင် ရယ်ရတာမဟုတ်ဘူး။ ဖုန်းထဲကစကားပြောတော့လည်း ရယ်စရာ ပြောတတ်တာကိုး’

‘မြတ်စွာဘုရား။ ငါလည်းဘာရယ်စရာမှ မပြောရသေးပါလား’

‘အဟင့် ဟင်း . . .။ အဲ့ဒါကိုရယ်ရတာ။ ဆရာခုနကသမီးကို ဘယ်လိုထူးလိုက်တာလဲ’

‘ဗျာ . . .လို့ထူးလိုက်တယ်လေ’

‘အဲ့ဒါပြောတာပေါ့ . . . ရယ်ရတယ်လို့။ ဆရာသမီးကိုသိလို့လား’

ဟုတ်ပါ့။ ကိုယ်မှမသိပဲ။

သို့မသိ၍ မသိကြောင်းပြန်ပြောတော့ ဒါဖြင့်ဘာလို့ ‘ဗျာ’ လို့ထူးတာလဲတဲ့။ ကိုင်း-မခက်လား။

‘ကိုင်း. . .ထားပါဟာ။ ညည်းအသံကို မှန်းကြည့်ရတာ လူငယ်တစ်ယောက်ဖြစ်ပုံပဲ’

‘သမီးဘွဲ့ရပြီးတာ သုံးနှစ်ရှိပါပြီဆရာရဲ့’

‘ဒါဆိုနှစ်ဆယ့်သုံးလေးအရွယ်ပေါ့’

‘ဒါကျတော့ ဆရာက တော်သွားပြန်ရော’

‘နေပါဦး။ ညည်းငါ့ဖုန်းနံပါတ်ဘယ်ကရသလဲ’

‘ဆရာ့ဂျာနယ်တိုက်ကပေါ့’

‘သြော် . . . . သြော် . . . . ။ နို့ . . . . အကြောင်းထူးရှိလို့လား’

‘မရှိပါဘူးဆရာ’

‘ဟေ’

‘ကန်တော့ . . . ဆရာ . . . ကန်တော့။ ဒီလိုပါဆရာ။ အမှန်အတိုင်းပြောရရင် သမီးဆရာ့စာတွေကို မဖတ်ဖူးပါဘူး’

ညည်းကိုလည်း ဘယ်သူကမှရိုက်ပြီး မဖတ်ခိုင်းပါဘူးဟု ပြန်ပြောလိုက်ချင်သည်။ ဟင်း။

‘ဒါပေမဲ့ဆရာ့စာပေဟောပြောပွဲအခွေကိုတော့ မနေ့ကကြည့်လိုက်ရတယ်ဆရာ’

‘ဘယ်ဟောပြောပွဲလဲ . . .’

‘ညောင်လေးပင် ဟောပြောပွဲဆရာ။ ညီမင်းညိုနဲ့ဆရာနဲ့ နှစ်ယောက်တည်းဟောတဲ့ပွဲလေ။ သမီး သူငယ်ချင်းတစ်ယောက်က ဆရာဟောတာ အရမ်းရယ်ရတယ်ပြောလို့ သမီးသူ့ဆီက ငှားပြီးကြည့်ဖြစ် တာ’

‘အဲဒီတော့ . . . .’

‘ဟုတ်တယ်ဆရာ. . . .၊ အရမ်းရယ်ရတယ်’

‘အဲဒီတော့. . . .’

‘အခုလို ဖုန်းဆက်ဖြစ်သွားတော့တာပေါ့’

‘ဆက်ရတဲ့ ရည်ရွယ်ချက်က . . .’

‘ဟောပြောပွဲမှာ ရယ်ရသလို စကားပြောကြည့်ရင်လည်း ရယ်ရမလားဆိုတဲ့ ရည်ရွယ်ချက်ပါ’

‘အေး . . . . လူငယ်မျိုးဆက်သစ်ဆိုတာ အဲ့ဒီလိုရည်ရွယ်ချက်ကြီးကြီးမားမားထားရတယ်ဟ’

ရယ်သည်။ ရယ်သံစွက်လျက်ပြောသည်။

‘အဟား. . . .ကြိုက်သွားပြီ။ ဆရာကစကားပြောကြည့်တော့လည်း လန်းနေတာပဲ’

ပြဿနာ။ လူကြီးကိုလာနောက်နေပြန်ပါပြီ။

ခက်သည်က သူ့သံနေသံထား။

သူ့သံနေသံထားက လှောင်ပြောင်လိုသည့် သဘောမျိုးမဟုတ်။ အရိုးခံအတိုင်းပြောနေသည့်လေသံ။ သည်တော့လည်း သူ့ကိုကျွန်တော်မငြိုငြင်ရက်။

‘ညည်းက ဟာသကို သဘောကျလို့လား’

‘ရယ်ရတာကို သဘောကျတာပါဆရာ’

အဲဗျ။ ဟာသနှင့်ရယ်ရတာ။ ဘာကွာလို့တုံး’

‘မကွာမှန်းတော့သိပါတယ် ဆရာရယ်။ ဒါပေမဲ့ သမီးစိတ်ထဲမှာတော့ ရယ်စရာဆိုတဲ့စကားလုံးကိုပဲ သဘောကျနေတာမို့ ရယ်စရာလို့ပဲ သုံးနှုန်းလိုက်မိတာပါ’

စကားသံ ခေတ္တရပ်သွားသည်။

ကျွန်တော်လည်း ဘာမျှမပြောဘဲ အသာနားစွင့်နေလိုက်၏။

‘ဆရာ. . . .’

ဟော. . . .သူ့အသံပြန်ပြုပြီ။

‘ဗျာ. . . .’

လုပ်ပြန်ပြီ၊ ဒီဗျာကြီး။

တစ်ဖက်ကရယ်သံကြားလိုက်ရ။

‘ဆရာခေါ်လိုက်ရင် ဘာလို့ဗျာ . . . . ဗျာ . . . . လို့ထူးတာလဲဟင်’

‘အေး. . . .အမေးရှိရင် အဖြေရှိရမှာပေါ့။ ညည်းတို့အိမ်မှာ ညည်းအမေကခေါ်တဲ့အခါ ညည်းအဖေက ဘယ်လိုထူးသတုံး’

‘ဗျာ. . . .တဲ့။ ဟာ. . . .ဟုတ်ပြီ. . . .ဟုတ်ပြီ’

‘အေး. . . .ဒါဆိုနောက်တစ်ခုကြိုပြီး ဗေဒင်ဟောလိုက်ဦးမယ်။ ညည်းအဖေကထိပ်ပြောင်တယ် မဟုတ်လား’

‘ဟာ. . .ကွက်တိပဲဆရာရေ၊ တော်လှချည်လား’

‘အေး. . . .သဘောပေါက်’

‘ပေါက်ပြီဆရာ. . . .ပေါက်ပြီ။ ကွက်တိပဲနော်’

‘ဘာကွက်တိလဲ’

‘ဆရာနဲ့’

သေပြီဆရာဟု အသံမထွက်မိအောင် မနည်းအောင့်ထားရ၏။

ဒါ. . . . ကျွန်တော်လုံးဝမမြင်ဖူးသော ကောင်မလေးတစ်ယောက်နှင့် ပထမဆုံးတယ်လီဖုန်းပြော ဖြစ်ခြင်း။

သိလည်းမသိ၊ မြင်လည်းမမြင်ဖူးပါဘဲနှင့် တယ်လီဖုန်းထဲမှ အပြန်အလှန်ပြောနေလိုက်ကြသည်မှာ တကယ့်ကိုသိဟောင်းကျွမ်းဟောင်းတွေအလား။

ဒါကတစ်ရက်. . . ။

အဲ့. . . နောက်တစ်ရက်ကျတော့လည်း ဆက်ပြန်သည်။

ပထမနေ့က ဆက်သည့်အချိန်။

မနက် ၈ နာရီ။

ကျွန်တော်လက်ဖက်ရည်ဆိုင်ထိုင်နေကျအချိန် ဖုန်းမြည်လာသည်။ ပေါ်လာသည့်နံပါတ်ကိုကြည့် သည်။

မနေ့ကဆက်သည့် ကောင်မလေး၏ ဖုန်းနံပါတ်ဖြစ်သည်။ ဖုန်းခလုတ်ကိုနှိပ်သည်။ နှုတ်မှလည်း အလိုလို ‘ဟယ်လို’ သွား၏။

‘ဆရာ. . . .’

‘ဗျာ. . . .’

‘အဟင့်ဟင်း’

ကျွန်တော်ကလည်း ကျွန်တော်။ ဘယ်နှယ့်ကြောင့်တစ်ဗျာတည်း ဗျာနေရပါလိမ့်။

‘ဆရာ အခုဘယ်မှာလဲ’

‘လက်ဖက်ရည်ဆိုင်မှာ’

‘အနားမှာ ဘယ်သူတွေရှိလဲ’

‘လူတွေရှိတယ်’

‘အကောင်းပြောတာ’

‘ညည်းကိုလည်း ဘယ်သူက နောက်နေလို့လဲ . . . ။

အနားမှာ ဘယ်ဘက်ဝိုင်းက လူသုံးယောက်၊ ညာဘက်ပိုင်းက နှစ်ယောက်၊ ရှေ့တည့်တည့်ဝိုင်း ကလည်း နှစ်ယောက်ပဲ’

‘အဲ့ဒါတွေမေးတာမဟုတ်ဘူး’

‘ဒါဖြင့်ဘာမေးတာလဲ’

‘ဆရာနဲ့အတူ ဘယ်သူရှိသေးသလဲလို့မေးတာ’

အင်း. . . ကောင်မလေးကတော့ ဇာတ်လမ်းလာစနေပြီ။

ငါ. . . လူပျိုကြီးပါဟလို့ လုပ်ချလိုက်ရ။ ဟာ့. . . .ဟုတ်သေးပါဘူး။ စိတ်ရိုင်းကိုချက်ချင်း ဘရိတ်ပြန် အုပ်။

‘အခုလား’

‘ဟုတ်’

‘အခုအနားမှာ ဘယ်သူမှမရှိဘူး’

‘အခုမဟုတ်ရင်ကော’

‘ဇနီးရှိတယ်၊ သမီးရှိတယ်’

‘ရပြီ. . . .ရပြီ။ အခုလောလောဆယ် မနေ့ကလိုစကားပြောလို့ရပြီပေါ့’

‘ဘာလဲ. . . .ရယ်စရာပြောခိုင်းဦးမလို့လား’

‘ဟုတ်’

‘ညည်း သန်လျင်မောင်မောင်ဦးနဲ့ အကြည်တော်နဲ့မှားနေတာတော့ မဟုတ်ပါဘူးနော်’

အားရပါးရ ရယ်ပြန်သည်။

ဒါကတစ်ရက်။

ဟော. . . .နောက်တစ်ရက်. . . အရင်လိုမနက်ပိုင်း ကျွန်တော်လက်ဖက်ရည်ဆိုင် ထိုင်သည့်အချိန်။

‘ဆရာ. . .’

သည်တစ်ခါတော့ ကျွန်တော်ပြန်၍မ ‘ဗျာ’ ဖြစ်။

‘အေး. . .ပြော. . .’

‘ဟွန့်. . . .ဆရာကလည်း’

‘ဘာလဲ. . .’

‘ဘယ်လိုထူးလိုက်တာလဲ’

‘ဘာကိုပြောတာလဲ’

‘ဗျာကိုပြောတာ’

‘ဘာ. . . .’

‘ဗျာ. . . .’

ဇာတ်လမ်းက အဲ့သည်လို. . . ။

‘နင်ကလူကြီးကို ဗျာလို့ထူးခိုင်းတာလား’

‘အယ်. . .ဟုတ်ပါရဲ့။ ကန်တော့ပါတယ် ဆရာရယ်’

‘ဟဲ့. . . .ဟဲ့၊ စကားပြောမလောနဲ့လေ’

‘ရှင်. . . .။ ဘာကိုပြောတာလဲဆရာ’

‘ခုနက ကန်တော့ပါတယ်ဆိုတဲ့စကား’

‘ဘာမှားသွားလို့လဲဆရာ’

‘အေး. . . ၊ မှားမသွားတာဘဲ ကျေးဇူးတင်ပါတယ်။ ဘယ်နှယ့်ဗျာ၊ ကန်တော့ဆိုလည်းပြီးနေတဲ့ ဥစ္စာ၊ အခုတော့ ကန်တော့ပါတယ်တဲ့’

‘အဲဒါဘာမှားလို့လဲဆရာ’

‘ဟဲ့-ညည်းစကားက နည်းနည်းမှ အတိမ်းအစောင်းမခံတဲ့စကားဟဲ့။ ကန်တော့ပါတယ်အစား ကန် တော့ပါသေးရဲ့ဆို. . . .ငါဒုက္ခမများပေဘူးလား’

အားရပါးရ ရယ်သံကြားရသည်။ ရယ်ရင်းမှပြောသည်။

‘ဟေး. . . . ဒို့ဆရာက အဲ့ဒီလိုလန်းတာ။ ဒါကြောင့်မို့လည်းဆရာ့ကို. . . .’

‘ဘာာဖြစ်တုံး’

‘တယ်လီဖုန်းဆက်တာ’

သေလိုက်ပါလားဟု အသံပြန်ထွက်မသွား၍တော်သေး။

သည်လိုနှင့် ကျွန်တော်လုံးဝမမြင်ဖူးသော ကောင်မလေးတစ်ယောက်နှင့် သုံးရက်ဆက်၍ တယ်လီဖုန်း ပြောဖြစ်သည်။

ဟော. . . .လေးရက်မြောက်နေ့မှာကျတော့ သူတယ်လီဖုန်းမဆက်။ မနက် ၈ နာရီကတည်းက တယ် လီဖုန်းမျှော်သည်။ မဆညက်။ ထပ်မျှော်သည်။ မဆက်သေး။ ထပ်၍မျှော်သေးသည်။ တယ်လီဖုန်းသံ သဲ့သဲ့မျှမကြားရ။

အလို. . . .။

ရင်ထဲကဖိုချင်ချင်ရှိပါလား . . . ။

ကျွန်တော်မနေနိုင်တော့။

တယ်လီဖုန်းကိုကောက်ကိုင်သည်။ Received Calls ကိုနှိပ်သည်။ သူ့ဖုန်းနံပါတ် ကလေးပေါ်လာ သည်။ ဖုန်းခလုတ်ကို ကသုတ်ကရက်နှိပ်သည်။

သည်တွင်သည်ဇာတ်သည်မှာဆုံးပြီဖြစ်ကြောင်း ကျွန်တော်ရင်နာစွာ သိလိုက်ရပါလေတော့သည်။

ဟုတ်သည်လေ။

ဖုန်းထဲကပြန်ကြားရသည့် အသံကိုလည်းနားဆင်ကြည့်ဦး။

‘လူကြီးမင်းခေါ်ဆိုသော တယ်လီဖုန်းမှာ စက်ပိတ်ထားပါသည်’

နောက်တစ်ခါထပ်ခေါ်သည်။

စက်ပိတ်ထားပါသည်။

နောက်တစ်ခါထပ်ခေါ်သည်။

စက်ပိတ်ထားသည်။

ကျွန်တော်နှင့် ပင့်သက်နွမ်းကို အလွမ်းများဝန်းရံခလျက် ခပ်ဖွဖွချသည်။ လက်ဖက်ရည်ဖိုးရှင်းပြီး ဆိုင်ထဲမှထွက်ခဲ့သည်။

မဆီမဆိုင် ‘ကြည်အေး’ ၏ ‘နွမ်းလျအိမ်ပြန်’ ကိုပြေး၍အမှတ်ရ၏။

ထိုနေ့က အလုပ်တိုက်သို့နောက်ကျ၍ ရောက်၏။

သည်တွင်ကျွန်တော့်နာမည်ဖြင့် စာတစ်စောင်ရောက်နေသည်ကို တွေ့ရသည်။

ဖွင့်ဖတ်ကြည့်လိုက်တော့. . .

ဆရာရှင့်. . .။

ရယ်စရာတွေဟောပြောတတ်တဲ့ ဆရာ့ရဲ့ဟောပြောပွဲအခွေကိုကြည့်ပြီး သမီးတို့သူငယ်ချင်းတစ်တွေ ဆရာနဲ့စကားပြောကြည့်ဖို့ သုံးရက်ဆက်ပြီး ဆရာနဲ့စကားပြောနိုင်ဖို့ အလောင်းအစားလုပ်ကြရင်း သမီးဆရာ့ဆီ တယ်လီဖုန်းဆက်ရခြင်းကို နားလည်ခွင့်လွှတ်ပေးပါဟု လေးစားစွာပန်ကြားအပ်ပါသည် ရှင့်။

ဆရာ့ရဲ့ဟောပြောပွဲပရိသတ်တစ်ဦး။

စာကသည်မျှသာ။

စာကတိုသည်။ သို့သော် ငိုမည်ဆိုက ငိုလောက်သည်။

ကွယ်. . . . မင်းတို့လေးတွေ. . . .။ နောက်စရာရှားလို့။ သူ့ဘာသာသူနေတဲ့လူကြီးကို။ သက်သက်မဲ့ . . . .။

စံတော်ချိန်သတင်းစာ