အမျိုးသမီးတစ်ဦး ခေါင်းဆောင်တဲ့ ဆိုင်ကယ်စီး လုယက်ဂိုဏ်း စစ်တွေတွင် ဖမ်းမိ

အမျိုးသမီး တစ်ဦး ဦးဆောင်သော ဆိုင်ကယ်စီးပြီး လုယက်မူများ ကျူးလွန်နေသော ဂိုဏ်းတစ်ခုကို စစ်တွေတွင် ယမန်နေ့က ဖမ်းဆီးမိခဲ့သည်ဟု သက်ဆိုင်ရာ ရဲတာဝန်ရှိသူ တစ်ဦးက ပြောသည်။

ဖမ်းဆီးခံရသူ အမျိုးသမီး ဂိုဏ်းခေါင်းဆောင်မှာ မမိုးစန္ဒာ ဖြစ်ပြီး သူမမှာ GE ( ဆောက်လုပ်ရေးတပ်)မှ စာရေးမ တစ်ဦးဖြစ်ပြီး လက်ရှိတွင် စာကြည့်တိုက်မှူးဖြစ်ကြောင်း သိရသည်။

သူနှင့်အတူ ဖမ်းဆီးခံရသူများမှာ မင်းဂံရပ်ကွက်၊ ထွန်းသစ်လွှင် စားသောက်ဆိုင်မှ ကိုတိုး (ခ) ဟိန်းအောင်ခန့်၊ အမက (၈၀) စစ်တပ်ကျောင်းမှ ညစောင့် စိုးမိုးဌေးနှင့် သုံးဘီးဆိုင်ကယ်မောင်းသူ ကိုစောဝင်းနိုင်တို့ ဖြစ်ကြောင်း သိရသည်။

သူတို့အား စစ်တွေ အမှတ် (၁) ရဲစခန်းမှ ဒုရဲမှူး ဦးသန်းလိူင်နှင့် နယ်ထိန်း တပ်ကြပ်ကြီး မောင်မောင်သန်း တို့ ဦးဆောင်သော ရဲတပ်ဖွဲ့မှ ဖေါ်ထုတ် ဖမ်းဆီးနိုင်ခဲ့သည်ဟု ဆိုသည်။

ဖမ်းဆီးရမိပုံနှင့် ပတ်သက်ပြီး သိရသည်မှာ ကိုတိုး (ခ) ဟိန်းအောင်ခန့်နှင့် စိုးမိုးဌေးတို့သည် စစ်တွေမြို့၊ အိုးတန်းရပ်ကွက်၊ သာဇံလှလမ်းရှိ ဦးလှအောင်ထွန်းပိုင်ဆိုင်သော ရွှေပန်းထိမ်ဆိုင်နှင့် အိုးတန်းရပ်ကွက်၊ ထီးတန်းလမ်း၊ အိမ်အမှတ် (၂၇) လဘက်ရည် ရောင်းသူ ဒေါ်ဦးမြသိန်းထံတွင် ရွှေထည်ပျက်များ လာရောက် ရောင်းချရာမှ ဖမ်းဆီးမိခြင်း ဖြစ်သည်ဟု ဆိုသည်။

သူတို့ထံမှ အလေးချိန် (၄ပဲး) ရှိ ရွှေထည်တစ်ခု၊ ၁၂ ပဲး အရည် ကျောက် (၉) လုံးပါ လက်စွပ်တစ် ကွင်း၊ ရွှေချိန်အတုံး (၄ ပဲး) အထည်ပျက် တစ်ခုတို့အား ဖမ်းဆီးမိသည်ဟု ဆိုသည်။

၎င်းနောက်ပိုင်းတွင် ရန်ကုန်မြို့သို့ အားကစားကိစ္စဖြင့် သွားရောက်ပြီး စစ်တွေသို့ ပြန်လာသူ မမိုးစန္ဒာအား စစ်တွေ လေဆိပ်အထွက်တွင် ရဲက ယမန်နေ့က ဖမ်းဆီးခဲ့သည်ဟု ဆိုသည်။

၎င်းအဖွဲ့သည်စစ်တွေမြို့တွင် လုယက်မူအများအပြားကို ဆိုင်ကယ်စီးပြီး ကျူးလွန်ထားသည်ဟု သိရသည်။

“ သူတို့က ဆိုင်ကယ်နဲ့ လိုက်တိုက်တယ်။ လဲကျသွားတဲ့ အချိန်မှာ ပါလာတဲ့ ရွှေကြိုးတွေကို ဖြတ်ယူတယ်။ ပိုက်ဆံအိတ်တွေကို လုယူတယ်။ ဖုံးတွေကအစ လုတယ်။ ဒီလို ကျူးလွန်နေတာ ကြာပါပြီ” ဟု စစ်တွေ အိုးတန်းရပ်ကွက်မှ မြို့ခံ တစ်ဦးက ပြောသည်။

များမကြာမီကလည်း စစ်တွေ တက္ကသိုလ်သို့ အသစ်ပြောင်းရွှေ့လာသူ ကျူတာအဆင့် ဆရာမ တစ်ဦးအား ဆိုင်ကယ်ဖြင့် လိုက်တိုက်ပြီး သူမထံမှ ပိုက်ဆံ (၇) သိန်းနှင့် ဖုံးအား လုယက်သွားခဲ့သည်ဟု ဆိုသည်။

ယခင်က လုယက်ပြီးနောက် ဖုန်းဆင်းကဒ်များကို လွှင့်ပစ်လေ့ရှိသော်လည်း ကျူတာ ဆရာမထံမှ လုယက် သွားသော ဆင်းကဒ်ကိ်ု မူ လွှင့်မပစ်ဘဲ ရံဖန်ရံခါ အသုံးပြုရာမှ ရဲတပ်ဖွဲ့ဝင်များက ဆက်သွယ်ရေးဌာနနှင့် ပူးပေါင်းကာ ခြေရာကောက် ဖမ်းမိနိုင်ခဲ့သည်ဟု သိရသည်။

“ အခုတော့ စစ်တွေ အမှတ် (၁) ရဲစခန်းမှာ စစ်ဆေးနေပါတယ်။ အမူ ၆ မူ၊ ၇မူလောက်ကိုတော့ ဖေါ် ထုတ်နိုင် မယ် ထင်တယ်။ စစ်ဆေးနေတုန်း ဖြစ်တဲ့ အတွက် အသေးစိတ်တော့ မပြောနိုင်သေးဘူး” ဟု ရဲတာဝန်ရှိသူ က ပြောသည်။

နိရဉ္စရာ